Pamje që tregojnë momentin menjëherë pas shpërthimit mbi një autokolonë siriane (Video,+18)

Një video që tregon pamjet e tmerrshme menjëherë pas sulmit me bombë në një kolonë siriane të autobusëve që transportonin me qindra njerëz, duke përfshirë shumë fëmijë, është publikuar në internet, përcjell Telegrafi.

Videoja fillon me pamjet e një hapësire të mbuluar nga tymi, vetura të dëmtuara, të mbuluara nga pluhuri dhe të dala nga rruga.

Gjithashtu shihet njerëz në panik të cilit ikin në drejtime të ndryshme, derisa ulërimat mund të dëgjohen në sfond.

Personi që ka bërë pamjet më pas shihet duke shkuar drejt asaj që mund të quhet epiqendra e shpërthimit, me autobusë dhe vetura të dëmtuara.

Pamje gjithashtu trishtuese tregojnë trupat e njerëzve të shtrirë për tokë.

Karvani i autobusëve që po transportonin njerëz nga dy vende kryesisht shiite në Aleppo, të kontrolluara nga qeveria u sulmua të shtunën pasdite në periferi të qytetit sirian.

Ndërsa karvani ishte duke pritur për të hyrë në qytet, një shpërthim ka ndodhur, siç thuhet nga një vetëvrasës me bombë në makinë, nga i cili shpërthim thuhet të kenë gjetur vdekjen dhjetëra veta. /Telegrafi/