Vila, vetura luksoze, aeroplan e helikopter privat: Jeta luksoze e Donald Trumpit para se të bëhej president i SHBA-ve (Foto/Video)

Para se të merrte rolin kryesor në politikën amerikane, Donald Trump ishte një miliarder “i thjeshtë” të cili i pëlqente të bënte jetë luksoze dhe të jetë i rrethuar nga gjësende të ndryshme shumë të shtrenjta.

Më poshtë ju sjellim detaje nga vilat e tij luksoze, veturat, fushat e golfit, aeroplani e helikopteri privat e deri te kulla Trump, transmeton Telegrafi.

“Penthouse” në New York

Apartamenti luksoz i shtrirë në tre kate njihet si apartamenti në katin e 68-të, edhe pse Kulla Trump në të cilën gjendet i ka vetëm 58 kate. Ajo gjendet në zemër të Manhattan-it, dhe pikërisht është vendi që Donald, Melania dhe i biri i tyre Baron e quajnë shtëpi të tyre. Ajo është e mbuluar në granit, diamante dhe piktura të shtrenjta, por nuk mungojnë as abazhurët e kristaltë, kurse shumë prej gjësendeve tjera brenda saj janë të lara në flori.

Rolls Royce Phantom

Vetura e parë Rolls Royce e Trumpit, ishte Silver Cloud prodhim i vitit 1956, që konsiderohet si njëra nga veturat më të vjetëra në koleksionin e tij të pasur. Por modeli Phantom që kushton plot 470.650 mijë dollarë, konsiderohet më luksozi. Shpesh është quajtur si “vetura më e bukur në botë”, e cila prodhohet me kërkesa të veçanta, dhe këtë fakt e ka shfrytëzuar Trumpi – i cili natyrisht e ka larë në flori. Por për fat të keq që nga ardhja në krye të shtetit më të fuqishëm në botë, ai është detyruar ta zëvendësoi me veturën zyrtare Cadillac e cila është e blinduar ,dhe brenda saj gjendet një shofer i specializuar për vozitjen e presidentit që është pjesë e Shërbimit Sekret.

Golfi

Botërisht dihet se Trump është adhurues i flaktë i sportit të golfit, dhe këtë gjë më së miri e dëshmon edhe fakti se që nga ardhja në Shtëpinë e Bardhë, ai kohën e lirë e kalon duke luajtur golf. Ai jo vetëm që e donë këtë sport, por edhe posedon 17 fusha private që në total kapin vlerën e 282 milionë eurove. Përveç fushave brenda SHBA-ve, ai posedon një në Skoci ku edhe ka lindur ky sport, dy në Dublin dhe një në Irlandë. Nuk duhet dyshuar në koleksionin e tij të pasur të shkopinjve të golfit që gjithashtu janë të larë në flori, transmeton Telegrafi.

Kulla Trump

Kullat e Trumpit kishte filluar të ndërtohet në Chicago në vitin 2005, kurse punimet kanë përfunduar në vitin 2009. Vlera e ndërtimit të saj kap shifrën prej 797 milionë euro. Kjo ndërtesë është e lartë plot 415 metra dhe i ka 98 kate. Pas kullës Sears, e cila gjithashtu është e ndërtuar në Chicago, kjo konsiderohet të jetë kulla më e lartë në SHBA. Brenda saj ka një hapësirë të madhe prej 242 mijë metra katrorë, ku janë të instaluar 27 ashensorë. Hapësira e saj shfrytëzohet për qëllime të ndryshme, kështu brenda gjenden dyqane, restorante, bare, garazhe, zyra, pishinat e mbyllura dhe hoteli luksoz me 339 dhoma.

Boing 757

Aeroplani presidencial ndryshe i njohur si “Air Force One”, duket shumë i vogël në krahasim me aeroplanin privat që e posedon Trumpi. Fjala është për aeroplanin e tipit Boeing 757-200, të cilin Trump e kishte blerë në vitin 2011. Brenda tij mund të akomodohen 43 pasagjerë, ndërsa rripat e sigurisë janë të punuar nga ari i pastër prej 24 karatë. Ai kushton 32.9 milionë euro.

Vila luksoze Mar-a-Lago

E ndërtuar në vitin 1920, kjo vilë luksoze zë një hapësirë të madhe në Palm Beach të Floridas. Brenda saj mund t’i gjeni 53 dhoma gjumi dhe 13 tualete. Për shkak të problemeve financiare që i kishte pasur në fillim të viteve të 90-ta, ai kishte vendosur ta shndërroi në një klub privat ku sot pothuajse të gjitha fytyrat eminente të Amerikës e kalojnë kohën e lirë.

Helikopter Sikorski S-76

Duket se atij nuk i ka bërë edhe aq shumë përshtypje Rolls Royce dhe Boeing, pasi në pronësi ka edhe një helikopter luksoz. Nuk bëhet fjalë për një helikopter të thjeshtë, pasi që vlera e tij kalon shumën prej 6.5 milionë euro. Përveç kësaj, ai ka shpenzuar shuma tjera të majme për rregullimin e pjesës së brendshme në stilin klasik ashtu siq Trump ka dëshirë. /Telegrafi/