Analistët me prognoza të ndryshme për krizën në Maqedoni

Si të zgjidhet kriza politike, me dhunë apo me page? Veljanoski a duhet me dhunë të largohet nga Kuvendi ose duhet durim për zgjidhje? Çfarë pasoja mund të kenë njëra dhe tjetra mënyrë? Këto janë dilemat të cilat ditëve të fundit po i mundojnë politikanët, ashpërson retorikën e gazetarëve dhe alanistëve. Grindjet, fjalët e rënda, ironia dhe cinizmi në Kuvend janë bartur edhe në faqet e gazetave dhe portaleve. Ndërsa analistët politikë kanë prognoza të ndryshme për situatën në vend, përcjell Telegrafi Maqedoni.

“Veljanoskin duhet ta kapni për veshi dhe ta largoni nga karrigja e Kuvendit”, ka shkruar Ljubomir Fërçkoski në kolumnën e tij.

“Përderisa LSDM-ja po tenton të privatizojë Kuvendin, do të ngelen pa pupla”, shkruan Mirka Velinovska në kolumnën e saj për Kurir.

“Çdo thirrje për sulm mund të çojë në viktima serioze dhe vazhdim të krizës deri në shkatërrimin e plotë të shtetit”, shkruan Denko Malevski.

“Mesazhi është i qartë: Më largo nëse mundesh! Gjithë ata dokumentet partiake të OBRM-PDUKM-së janë me emra dramatik, të cilat paraqesin vetëm një gjë: Ose Gruevski në pushtet, ose luftë qytetare”, shkruan Goran Mihajllovski.

A do të ketë kthim revolucionar, kapitullim me marrëveshje ose zgejdhje të reja, janë disa nga dyshimet e analistëve. Por si asnjëherë më parë, askush nuk guxon të jep vlerësim se çfarë do të ndodhë saktë në të ardhmen./Telegrafi/