Ministria e Zhvillimit Ekonomik (MZHE), është duke synuar të krijoj një sektor të zhvilluar të energjisë, të favorshme për mjedisin dhe shëndetin, në mbështetje të zhvillimit të qëndrueshëm ekonomik dhe mirëqenies shoqërore në Kosovë në kuadër të një tregu të lirë dhe konkurrues të energjisë.
Këtë synim e ka prezantuar ministri Blerand Stavileci në kabinetin qeveritarë, që më pas edhe është përkrahur nga kryeministri dhe ministrat tjerë të Qeverisë së Kosovës.
Në mbledhjen e Qeverisë, Stavileci tha të ketë përgatitur një strategji që në dhjetë vitet e ardhshme të ketë furnizim të sigurt me energji elektrike, të ketë bilanc energjetik, me kosto të përballueshme të investimeve, të ulë nivelin e emisionimit, të mbështetur në burime të ripertritshme si dhe integrim në tregun regjional.
Arritja e këtyre synimeve është e bazuar në 5 objektiva të vendosura në dokumentin me të rëndësishëm për sektorin e energjisë, Strategjinë e Energjisë2017-2026.
“Sigurimi i furnizimit të qëndrueshëm dhe cilësor me energji elektrike dhe me kapacitete të nevojshme për një sistem stabil të energjisë elektrike, integrimi në Tregun Rajonal të Energjisë, rritja e kapaciteteve ekzistuese të sistemeve termike dhe ndërtimi i kapaciteteve të reja, zhvillimi i infrastrukturës së gazit natyror dhe plotësimi i caqeve dhe obligimeve në efiçiencë të energjisë, burime të ripërtëritshme të energjisë dhe mbrojtje të mjedisit”, ka thënë ministri Stavileci.
Elementet kryesore të këtij dokumenti, sipas ministrit Stavileci janë adresimi i sigurisë së furnizimit me energji elektrike, si kusht për një zhvillim të qëndrueshëm ekonomik. “Qeveria do të vazhdojë të përkrah projektin e ndërtimit e Termocentralit “Kosova e Re” me kapacitet prej 450 megavat orë energji elektrike me investime të sektorit privat në kuadër të partneritetit publik-privat. Bazuar në ecurinë e deritashme të projektit Qeveria konsideron të realizueshëm këtë projekt deri në vitin 2023.
Ndërtimi i Termocentralit “Kosova e Re” do zbatohet në harmoni me kërkesat e Direktivës 2010/75/EC. Ky termocentral do të ketë edhe mundësinë e ko gjenerimit në masën 10% të kapacitetit neto të instaluar”, ka thënë ministri i MZHE-së Stavileci.
Për shkak të pa mjaftueshmërisë së kapaciteteve të termocentraleve, resurseve natyrore të kufizuara ujore dhe të erës si dhe duke pasur parasysh përballueshmërinë e kostos së furnizimit me energji elektrike, Qeveria është e detyruar të mbështesë alternativën e vazhdimit të punës së Termocentralit “Kosova A” deri në fillimin e prodhimit të energjisë nga “Kosova e Re”.
“Me gjithë se studimi i fizibilitetit të TC “Kosova B” është ende në proces dhe rezultatet e tij do të bëhen të ditura në mesin e vitit 2017, duke e konsideruar këtë termocentral tepër të nevojshëm për sigurinë e furnizimit me energji elektrike, Qeveria do të jetë në mbështetje të rehabilitimit të tij”, tha ai.
Qeveria u pajtua me propozimin e ministrit Blerand Stavilecit që rehabilitimi i Termocentralit “Kosova B” të bëhet duke marrë parasysh zbatimin e detyrimeve mjedisore të Kosovës si Palë Kontraktuese e Komunitetit të Energjisë. Periudha e rehabilitimit të këtij termocentrali do të ndërlidhet me fillimin e punës të kapaciteteve te reja, rezultateve te studimit te fizibilitetit dhe mos cenimin e furnizimit të Ngrohtores Termokos me energji termike.
Deversifikimi i burimeve të gjenerimit dhe rritja e investimeve në masat e efiqiences janë pjese e rëndësishme e këtij dokumenti.
Në fokus të kësaj strategjie përveç energjisë elektrike është edhe zgjerimi i sistemeve ekzistuese të energjisë termike, në një plan afatmesëm, si dhe zhvillimi i sistemeve të reja në pjesët e urbanizuara të qyteteve të mëdha.
Kjo strategji synon zhvillimin e te gjitha parakushteve për ndërtimin e infrastrukturës së gazit natyror në një plan më afatgjatë.
Krahas angazhimeve për arritjen e sigurisë së furnizimit me energji elektrike Qeveria, me mbështetjen edhe të institucioneve tjera shtetërore, institucioneve ndërkombëtare dhe donatorëve, do të angazhohet që të zbatojë praktikat më të mira të vendeve të ngjashme me Kosovën, për trajtimin e komuniteteve të prekura nga aktivitetet e prodhimit të energjisë elektrike. /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Eksploro natyrën me veshjet e stilit taktik të Melodia Px
"Më mirë se vendi ynë nuk ka", rrëfimi i Fitim Maliqit që posedon mbi 10 mijë zogj të pulave
Trajtimi i punëtorëve teknikë vazhdon të jetë shqetësues
Telegrafi Jobs, busulla jote për karrierë
Pasuria e guvernatorit të BQK-së, drejtorit ATK-së dhe drejtorit të Doganës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë