Rusia në panik: Adoleshentët kryejnë vetëvrasje pas pjesëmarrjes në videolojën misterioze “Balena e Kaltër” (Foto, +18)

Dy adoleshente nga Rusia kanë kryer vetëvrasje duke kërcyer nga kulmi i një ndërtese në qytetin Ust-Iljmisk, pasi kishin marrë pjesë në një video-lojë përmes rrjeteve sociale, e cila sipas hulumtuesve, është “shkaku” kryesor për ngjarjet e kobshme po ndodhin dhe kanë tronditur Rusinë, shkruan Daily Mail.

Policia është duke hetuar rastin, por dyshohet se ngjarja e tmerrshme është si pasojë e lojës së ashtuquajtur “Balena e Kaltër” e cila është bërë fiksim tek të rinjtë, transmeton Telegrafi.

Adoleshentët kryejnë detyra të caktuara gjatë pjesëmarrjes në këtë lojë, siç janë shikimi i filmave horror, prerja e duarve me mjete të mprehta duke vizatuar me thika forma të ndryshme të balenave, dhe pas 50 ditëve pjesëmarrje në këtë lojë u jepet misioni përfundimtar, ta vrasin veten.

Julija Konstantivnova 15-vjeçe dhe Veronika Volkova 16, kanë kërcyer nga kulmi i një ndërtesë në qytetin Ust-Iljimsk.

Vajza Ekatarina 15-vjeçe është edhe një viktimë tjetër e kësaj loje, megjithatë, ajo i ka mbijetuar kërcimit nga një ndërtesë e lartë në të cilën jeton në Krasnojarsk.

Vetëm dy ditë para kryente këtë vepër të tmerrshme, 14-vjeçarja nga qyteti Qita ishte hedhur para trenit që ishte në lëvizje.

Në të gjitha rastet hetuesit shtetëror kanë konstatuar se “loja vrasëse”, ka qenë shkaku kryesor i këtyre ngjarjeve të kobshme.

Julia kishte shkruar mesazhin “Fund” në profilin e saj në njërin nga rrjetet sociale, kurse disa ditë para këtij statusi, kishte postuar një fotografi të balenës së kaltër. Ajo shpesh postonte statuse depresionuese.

Siç shkruan “Daily Mail”, dy adoleshentë janë shoqëruar në polici pasi kanë filmuar vetëvrasjen e dyfishtë të Julias dhe Veronikës. /Telegrafi/