Këshilli Gjyqësor i Kosovës ka shpenzuar hiq më pak se 20,700 euro për blerjen e 25 pajisjeve të telefonisë mobile, ndërsa shpenzimi arsyetohet me nevojat e zyrtarëve të KGJK-së, pa dhënë më shumë detaje.
Procedura për blerjen e këtyre telefonave ishte iniciuar në muajin maj të vitit të kaluar, ndërsa njoftimi për kontratë ishte shpallur më 17 qershor 2016.
Nga njoftimi i publikuar në faqen zyrtare të Komisionit Rregullativ të Prokurimit Publik – KRPP, shihet se kontrata është nënshkruar më 2 gusht 2016.
Për këtë tender ofertat e tyre i kishin paraqitur 3 kompani, që të trija të përgjegjshme, ndërsa kontratën e KGjK-së e fitoi kompania SHPK “Botek” me seli në Prishtinë.
Megjithëse nuk specifikohet në njoftimin për nënshkrimin e kontratës apo në përgjigjen e zëdhënëses së KGjK-së, shihet se bëhet fjalë për 25 pajisje të telefonisë mobile apo telefona.
Zyrtarja për informim pranë KGJK-së, Aishe Qorraj-Berisha për KALLXO.com megjithëse konfirmon se KGjK-ja ka blerë telefonat, nuk jep detaje për arsyeshmërinë e këtij shpenzimi, ose se për kë janë blerë këta telefona specifikisht.
“Po, KGJK-ja ka blerë telefona mobilë. Këta telefona janë blerë për shfrytëzim nga zyrtarët e KGjK-së, ndërsa kostoja e tyre është paraqitur në faqen e KRPP-së”, thuhet në përgjigjen e KGjK-së për KALLXO.com.
Portrali ka bërë përpjekje që të mësojë më shumë për llojin dhe specifikat e pajisjeve telefonike të blera nga KGJK-ja, por nuk ka pranuar përgjigje nga këta të fundit.
Sipas një llogaritje të kostos së përgjithshme të këtij tenderi prej 20,700 euro dhe sasisë prej 25 copë telefonash të përshkruar në njoftimin për këtë kontratë, rezulton se një telefon i ka kushtuar KGjK-së 828 euro.
Një telefon në vlerën e 995 eurove e kishte blerë edhe Gjykata Themelore në Mitrovicë në dhjetor të vitit të kaluar.
Promo
Reklamo këtuLufta Prigozhin - Putin
Më shumëProfesori shqiptar nga Londra: Në Britani të Madhe i gjithë spektri politik është pro Kosovës
Një milion qytetarë të regjistruar deri më tani, dalin statistikat sipas komunave
Dënimi me 25 vjet i Sekiraqës, babai i Triumf Rizës: Kurrfarë vendimi, nuk e kuptoj si më të vlefshëm kriminelët se polici që mbron ligjin e shtetin
Parlamenti britanik miratoi mocionin e Alicia Kearns për Kosovën
Në automjetin me targa të Serbisë, policia konfiskoi 390 kg duhan kontrabandë në Gjilan
Deputeti i LVV-së akuzon opozitën, Basha: Po i shtrembëron raportet ndërkombëtare për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe