Trendet e 2017-ës që ju përshtaten më shumë, sipas shenjës suaj të horoskopit

Kanë kaluar vetëm disa ditë që dolëm në konkluzionet se Java e Modës në Nju Jork solli shumë tendenca ku këtu mund të përmendim pulovrat me xhufka, shapkat me aksesorë pelushi apo veshjet metalike. Por kemi parë mjaftueshëm sa për të filluar të mendojmë për ato që do të veshim ndryshe këto kohë, sepse jo të gjithë jemi adhurues të copave me shkëlqim apo dantellave.

Për t’ju ndihmuar Class ka përzgjedhur trendet më të mira me diversitetin që sjell horoskopi duke i’u përshtatur të gjitha shenjave në bazë të karakteristikave të tyre.

Dashi

E kuqja është ngjyra juaj e fuqishme, në të njëjtën kohë edhe ngjyra tendencë e sezonit. Provoni një nga fustanet që sfiluan në pasarelë si ky fustan golf nga Victoria Beckham, sepse çfarëdo që do të zgjidhni, sigurohuni që të jetë në ngjyrë me kontrast të fortë.

Demi

I palëkundur dhe praktik, Demi natyralisht do të jetë i tërhequr nga ngjyra khaki, një nga ngjyrat tendencë të pranverës ë parë tek Michael Kors. Mos harroni vëthët e mëdhenj! Ata mbajnë peshën e duhur!

Binjakët

Ju duhet të zgjidhni ngjyrat e lulëkuqes këtë vit! Ne kemi rekomanduar të verdhën me pak tonalitet neoni që krijon një kontrast fantastik me lejlanë e purpurt ku Delpozo e sjell në një version sa të thjeshtë aq edhe elegant.

Gaforrja

Si një nga shenjat që kanë një ndjeshmëri të lartë përsa i përket bukurisë, kemi zgjedhur një ndërthurje të luleve dhe frudave që vetëm Rodarte mund ta sillte në mënyrë kaq feminile. Një pamje e “ekzagjeruar” është pika juaj e fortë prandaj mos kini frikë të guxoni. Sa më shumë aq më mirë.

Luani

Nuk ka më luks se sa vetë klasi që jep copa velvet. Ne kemi zgjedhur këtë Coctail Dress që të kap syrin që me shikimin e parë. Nuk është nevoja për akesorë. Ka mjaftueshëm shkëlqim!

Virgjëresha

Virgjëreshat kanë një prirje për të qënë pak stil boho (bohemian) kështu që asgjë më mirë se një fustan me rrudha, qëndisje dhe jelek pelushi nga Raf Simons nuk do t’i përshtatej më mirë.

Peshorja

Më shumë se sa klasike, këmisha me vija dhe mëngë të gjera mund ta shfaqë më së miri sensin e balancuar të elegancës së një peshoreje.

Akrepi

Këpucët korsè në pjesën e përparme në material velvet janë takat më seksi, ideale për një akrep, sepse një palë geta rrjetë do të ishin shumë të zakonshme.

Shigjetari

E dimë që komoditeti është primar për një shigjetar, por bukuria ka dhembje kështu që synoni një palë kapucë me platformë të dukshme të cilat do të bëjnë diferencën e duhur ashtu sikurse në këtë veshje të Marc Jacobs si një “hip-hop inspired look”.

Bricjapi

Teknikisht sezoni juaj ka kaluar, por është fjala për kostumin dhe gjithë variantet që një kostum sjell në kombinime. Me të brendshme, këmisha apo bluza me printe, zgjidhni kë të dëshironi për sa kohë vëmendja është tek kostumi!

Ujori

Tipi solli siluetën e ujit, që merr formën e trupit në material Lurex me shkëlqim dhe këpucë me majë në velvet. Të fundit por jo nga rëndësia, streçet që në këtë rast vijnë në rolin e getave. Çfarë më shumë se sa kjo pamje mund të përfaqësonte shpirtin e lirë të një ujori?

Peshqit

E thjeshtë: Pink! Për çdo lloj rasti apo eventi, një fustan i tillë do të jetë mjaftueshëm i veçantë për butësinë e ngjyrës rozë pudër dhe elegancës së një fjongoje për të definuar belin.