Ministria e Financave në vazhdën e diskutimeve me komunitetin e biznesit për pakon fiskale 2.0 ka organizuar sot takim diskutimi me përfaqësuesit e Odës Ekonomike Gjermane-Kosovare në Kosovë (OEGJK), ku diskutuan për masat e reja të Pakos Fiskale 2.0.
Në këtë takim morën pjesë ministri i Financave Avdullah Hoti, kryetari i Bordit të OEGjK-së, Fadil Hoxha, drejtori i përgjithshëm i Administratës Tatimore të Kosovës, Sakip Imeri, zëvendësdrejtoresha e Doganës, Valdete Krasniqi, si dhe përfaqësues të kompanive që janë anëtarë brenda OEGhK-së.Ministri Avdullah Hoti, duke i njoftuar të pranishmit me masat të cilat janë aprovuar në Qeveri në dhjetorin e vitit që shkoi, i ftoi ata që t’i japin sugjerimet e tyre shtesë për të plotësuar këto masa.
Sipas ministrit Avdullah Hoti këto masa janë në funksion të zhvillimit të bizneseve dhe përmirësimit të kushteve të të bërit biznes, si dhe në funksion të krijimit të vendeve të reja të punës të cilat do të ndikojnë edhe në përmirësimin e mirëqenies së qytetarëve të Republikës së Kosovës.
Masat bazë që parashihet të përmbajë sipas tij, kjo pako e re fiskale janë: Zgjerimi i listës së produkteve që konsiderohen si lëndë e parë për lirim nga tatimi doganor, Heqja e normës së akcizës në mazut, Ndryshim/plotësimi i listës së produkteve që i nënshtrohen normës 0 për qind apo normës së reduktuar 8 për qind të TVSh-së, Udhëzimi Administrativ për Pushimet Tatimore, Nxjerrja e akteve të nevojshme legjislative për kushtet e veçanta të evidentimit, kontrollit dhe shënjimit të miellit i cili vendoset në qarkullim të lirë në tregun e Republikës së Kosovës, Nxjerrja e akteve të nevojshme legjislative për kushtet e caktuara nën të cilat pranohen (njihen) humbjet nga prishja, avullimi apo humbja e peshës së naftës dhe produkteve të saj, si dhe Krijimi i kodeve të reja doganore për disa produkte, sipas praktikave të BE-së.
Ai gjithashtu shtoi se përveç këtyre masave të cilat janë aprovuar në Qeveri, listës do t’i shtohen edhe masat e reja të sugjeruara nga komuniteti i biznesit.
“Ministria e Financave do t’i shqyrtojë edhe të gjitha sugjerimet nga komuniteti i biznesit, dhe palët të tjera të interesit, me të cilët ka zhvilluar takime gjatë kësaj periudhe. Pas shqyrtimit të këtyre sugjerimeve, Ministria e Financave do të finalizojë listën e masave të politikave të reja fiskale të cilat pritet që të dërgohen për aprovim në Qeveri gjatë muajit shkurt të këtij viti”, shtoi Ministri Hoti.
Ndërsa, kryetari i Bordit të OEGjK-së Fadil Hoxha e vlerësoi lart iniciativën e ministrit Avdullah Hoti dhe institucionin që ai e udhëheq për përmirësimin e politikave fiskale në vend, me qëllim të krijimit të kushteve sa më të mira të të bërit biznes.
Me këtë rast përfaqësuesit e OEGjK-së gjithashtu prezantuan rekomandimet e tyre me qëllim të përfshirjes në pakon fiskale 2.0, të cilat priten të shqyrtohen nga zyrtarët e Ministrisë së Financave./Telegrafi/
Promo
Reklamo këtuLufta Prigozhin - Putin
Më shumëNga Rubrika
Përfundon periudha transitore për dinarin, analistët nuk presin zhvillime pozitive nga takimi i javës së ardhshme
Regjistrimi i popullsisë, familja Jashari përfundon procesin nga stafi i ASK-së
Qytetarët reagojnë për shtrenjtimin e bukës deri në 60 centë, ja sa u rrit në dekadën e fundit
Bëhu banor i kompleksit luksoz bregdetar “Holiday In 2” - Shëngjin
Për herë të parë në Kosovë vjen "Peja Outdoor Tourism Festival"
Regjistrimi i popullsisë, familja Jashari përfundon procesin nga stafi i ASK-së
Përfundon periudha transitore: Nga sot, euro valuta e vetme për transaksione në Kosovë
Ndrroje kerrin e vogël me Dacia Duster të ri për rrugë të gjata - Auto Mita
Telegrafi Jobs hap dyert për mundësi emocionuese për karrierë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gabimi në Ligën e Kampionëve i kushton, UEFA pritet t’i jap një dënim të ashpër gjyqtarit Marciniak
Zvicra fiton "Eurovision 2024"
Holanda përjashtohet nga finalja e "Eurovision 2024"
Bombardimi i konsullatës në Ukrainë, Qeveria shqiptare interesohet për provat
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron