“Familja nuk po e tregon të vërtetën për Schumacherin”

Shtatë herë kampioni i Formula 1, Michael Schumacher prej tre vjetësh qëndron i shtrirë në një krevat në gjendje kome.

Misteret rreth gjendjes së tij janë shtuar edhe më shumë kohët e fundit, duke qenë se asnjë prej familjarëve të tij nuk flet për gjendjen e ish-pilotit.

Por, Vili Weber tashmë 74 vjeç, po e përjeton më shumë se askush tjetër këtë situatë dhe faktin që familja e Schumi nuk thotë të vërtetën për gjendjen e tij.

Në një prononcim për “focus.de” ai ka hedhur dyshime të mëdha në lidhje situatën e ish-pilotit.

“Familjarët e tij nuk po thonë të vërtetën dhe unë kam pasur përplasje me të për një gjë të tillë. Kam shumë dyshime për gjendjen shëndetësore të Schumacherit, pasi po mbajnë gjithçka të fshehtë. Ndonjëherë, kur më bie telefoni më duket sikur është ai Schumi, por kjo ndjesi shuhet shumë shpejt. Shpresoj që të mos e përjetoj më, pasi nuk është aspak e mirë. Edhe tifozët janë të shqetësuar për gjendjen e tij, por mendoj se ai…”, kanë qenë fjalët e Weber, një nga njerëzit e afërt të pilotit, këshillat e të cilit nuk dëgjohen më nga familjaret e gjermanit. /Telegrafi/