Viti 2017 në Maqedoni vjen me më shumë fundjava të vazhduara

Në Vitin e Ri 2017 qytetarët e Maqedonisë do të kenë më shumë fundjava të zgjatura se në vitin që e përcollën. Nga gjithsej 11 ditë jopune për gjithë qytetarët, shtatë lidhen me fundjavën për dallim prej vitit të kaluar kur pati vetëm tri festa të cilat u lidhën me fundjavën, përcjell Telegrafi Maqedoni.

Fundjavën e parë të zgjatur qytetarët do ta kenë menjëherë pas pritjes së Viti të Ri, pasi që 1 janari është të dielën dhe kalon të hënën, kështu që do të kenë kohë për t’u kënaqur për festat e Vitit të Ri.
E ngjashme është situata edhe festën e krishtere Pashkët dhe Ditën e punës të cilat këtë vit si ditë jopune do të jenë ditën e hënë.

Fundjavë të vazhduar për gjithë qytetarët e do të ketë në qershor kur festohet Fitës Bajrami, gjegjësisht pasi festa është të dielën më 25 qershor, kalon të hënën.

Më shumë do të pushohet edhe për 8 Shtator – Ditën e pavarësisë dhe 8 Dhjetor për Shën Klimentin e Ohrit të cilat janë të premten, ndërsa edhe një fundjavë e vazhduar është edhe gjatë fundit të vitit, pasi Dita e Luftës Revolucionare e Maqedonisë do të jetë më 23 tetor – e hënë./Telegrafi/