SEMINAR IKAF-ATK: Sigurimet shëndetësore dhe aplikimi i ngarkesës së kundërt të TVSH-së brenda vendit

Më 23 dhjetor 2016, në kuadër të Edukimit të Vazhdueshëm Profesional, Instituti KAF në bashkëpunim me ATK organizon seminar për ndryshimet e fundit tatimore në Kosovë.

Me datë 01 Dhjetor 2016 është nxjerrë Udhëzimi Administrativ MF – Nr. 06/2016 për plotësim ndryshimin e Udhëzimit Administrativ Nr. 03/2015 për zbatimin e Ligjit Nr. 05/L-037 për Tatimin mbi Vlerën e Shtuar, ku me nenin 6 të këtij Udhëzimi Administrativ është ndryshuar rregulli për aplikimin e ngarkesës së kundërt të TVSH-së në ndërtimtari brenda vendit.

Po ashtu, në prill të vitit 2014, Kuvendi i Republikës së Kosovës ka miratuar Ligjin për Sigurime Shëndetësore, ndërsa, me vendim të Qeverisë së Kosovës, Mbledhja e Premiumeve Shëndetësore do të fillojë nga 1 janari 2017. Pra, për periudhën Janar/2017, pagesat e para do të fillojnë nga data 01 Shkurt 2017 dhe ATK është përgjegjëse për mbledhjen e Sigurimeve Shëndetësore për të punësuarit dhe për të vetë punësuarit.

Ky seminar i informon pjesëmarrësit të janë të njoftuar me gjitha detalet e ndryshimeve të fundit në legjislacionin tatimor.

Pra, temat qe do të prezantohen para anëtarëve të IKAF-it janë si në vijim:
1) Deklarimi dhe Pagesa e Sigurimit Shëndetësor;
2) Detyrimi për të paguar TVSH-në për furnizimin e shërbimeve në lëmin e ndërtimit
– Aplikimi i ngarkesës së kundërt të TVSH-së brenda vendit.

Data: 23.12.2016 I Ora: 09:00-12:00
Vendi: IKAF Prishtinë I Adresa: Rr. Bedri Pejani, nr. 1

APLIKO ONLINE PËR SEMINAR: KËTU