AUV: Mishi i cili shitet në tregun e Maqedonisë është i sigurt

Festat e fundvitit nuk mund të imagjinohen pa tryezën e pasur me mish. Por, qytetarët kanë shfaqur dyshime në blerje pas artikujve të fundit kontestues të mishit të importuara nga Mali i Zi, i vjetër 24 vite.

Agjencia për ushqim dhe veterinari siguron se mishi i cili shitet në tregun e Maqedonisë është i sigurt dhe apelon deri tek qytetarët që para festave të fundvitit të blejnë mish, produkte të mishit nga mishtoret që janë të aprovuara nga Agjencia për ushqim dhe veterinari. Kjo pasi këto mishtore janë nën kontroll të përhershëm nga shërbimet e inspektimit dhe i plotësojnë kushtet kryesore për siguri të përcaktuara me Ligjin për siguri të ushqimit dhe obligimet që burojnë nga ky ligj.

Kushtet kanë të bëjnë me marrjen e masave përkatëse higjienike nga ana e operatorëve me ushqim, të cilat sigurojnë përputhshmërinë me kriteret mikrobiologjike, respektimi i procedurave të caktuara në prodhim, kontroll të temperaturës, duke përfshirë edhe mirëmbajtjen e zinxhirit të ftohtë për deponimin dhe ruajtjen e këtij lloji të ushqimit në temperaturë të përshtatshme, marrja e mostrave për analizë. Gjatë blerjes së mishit dhe prodhimeve të tij, Agjencia apelon deri te qytetarët të jenë të kujdesshëm, pasi duhet të kontrollojnë nëse mishi dhe përpunimet e tij kanë deklaracion. Gjithashtu prej aty apelojnë që mospërputhjet sa i përket sigurisë së ushqimit të paraqiten te Agjencia për ushqim dhe veterinari, respektivisht në numrin e telefonit pa pagesë 0800 3 22 22, apo në e-mailin zyrtarë të këtij institucioni.

“Mishi i cili shitet në tregun e Maqedonisë është i siguruar. Importi kryhet vetëm nga vendet e miratuara për import, të përcjella nga certifikata shëndetësore e veterinare me të cilën garantohet siguria e prodhimit. Shërbimet e inspektimit të Agjencisë për ushqim dhe veterinari kryejnë kontrolle në çdo dërgesë të importuar, përfshirë edhe mishin dhe prodhimet e mishit”, theksojnë nga Agjencia.

Përveç shqyrtimit të detyrueshëm të dokumentacionit, kryhet edhe rishikim fizik i dërgesave. Kontrollet kryhen gjatë shkarkimit. Në kuadër të programeve të veçanta të monitorimit dhe nga dërgesat të cilat importohen, merren mostra për analizë laboratorike. Për të njëjtat nuk lejohet import në vend, gjegjësisht dërgesat vihen nën mbikëqyrje deri sa nuk i marrin rezultatet nga analizat e bëra laboratorike me të cilat vërtetohet se dërgesa është e sigurt.

“Shërbimet e inspektimit të Agjencisë për ushqim dhe veterinari përveç kontrollit të dërgesave, kryejnë kontrolle të vazhdueshme në tregun vendas, me mish dhe produkte të mishit. Vëzhgohet edhe gjendja rajonale në tregti, me këtë lloj të produkteve ushqimore. Agjencia për ushqim dhe veterinari është pika e kontaktit e Sistemit të shpejtë paralajmërues për ushqim për kafshët të BE-së, përmes të cilit në ditë merr njoftim për dërgesa të pasigurta, duke përfshirë dërgesa të mishit dhe prodhimeve të mishit”, theksojnë për KOHA nga Agjencia.

Përdorimi i antibiotikëve në prodhimin e mishit në Maqedoni është rregulluar me ligj, i cili është i kufizuar edhe nga ligjet evropiane, të cilët rregullojnë këtë materie dhe e cila paraqet garancë plus për siguri më të madhe të prodhimit vendas. Agjencia për ushqim dhe veterinari nga viti 2002 e ka miratuar edhe Programin nacional për monitorim dhe kontroll të mbetjes nga produktet nga kafshët, që paraqet garanci shtesë për sigurinë e mishit.

Pavarësisht kontrolleve zyrtare dhe implementimit të programeve monitoruese, operatorët e ushqimit po aplikojnë sistemin HASAP të sigurisë së produkteve me origjinë nga kafshët, duke përfshirë edhe mishin me implementimin e kontrolleve me të cilat zbulohet edhe prania eventuale e mbetjeve të antibiotikëve.

Përfundimisht me muajin nëntor, në Maqedoni janë importuar gjithsej 55.707.218 kilogram mish dhe produkte të mishit. Sasi më e madhe është importuar nga Austria, Polonia, Serbia, Gjermania, Brazili, Sllovenia, Kroacia, Bullgaria, Spanja, Greqia, Italia dhe Kanadaja ndërsa më pak nga Ukraina, Holanda, Franca, Belgjika, Anglia, Irlanda, Finlanda, SHBA, Mali i Zi dhe Rumania. /Telegrafi/