Kryetari i Kuvendit të Kosovës, Kadri Veseli, ka marrë pjesë në konferencën e fundvitit të bankës Pro Credit, ku morën pjesë përfaqësues të shumtë të komunitetit të biznesit.
Veseli ka përgëzuar tërë sektorin bankar për këtë vit të suksesshëm.
“Shumica e institucioneve financiare ndërkombëtare e vlerësojnë sektorin financiar në Kosovë si ndër më të suksesshmin në Evropën Juglindore”, ka thënë ai. Sipas Veseli, borxhet e këqija në Kosovë e kanë normën edhe më të ulët se ato në Evropë, por duhet të diskutohet hapur edhe për ngecjet dhe trendin e pamjaftueshëm ekonomik.
“Sistemi bankar duhet ta gjejë rolin e vet në zhvillimin ekonomik”, ka thënë Veseli.
Kreu i Kuvendit ka thënë se është e thjeshtë të konstatohet se vetëm normat e interesit janë të larta, por do duhej të shqyrtoheshin edhe shumë faktorë të tjerë, ku prej më të rëndësishmëve është edhe kapitali njerëzor.
Ai ka thënë se duhet të shqyrtohet më shumë seriozitet çështja e reformave në arsim, në mënyrë që punëtorët tanë të jenë konkurrues me vendet e rajonit.
“Nuk mund të pretendojmë që kemi resurs kryesor burimet njerëzore, ndërsa në anën tjetër të jemi ndër vendet e radhitura shumë poshtë për nga njohuritë dhe cilësia e arsimit e të rinjve tanë”, ka thënë Veseli.
Në mënyrë që të përmbushim kërkesat e tregut për fuqi adekuate punëtore, kryeparlamentari Veseli ka thënë se duhet të mendojmë për krijimin e një skeme të ngjashme me vendet si Gjermania apo Zvicra, të marrjes së zanatit dhe kjo të rregullohet me ligj.
Kreu i Kuvendit ka thënë se duhet të eliminohet edhe burokracia e tepërt institucionale dhe të thjeshtohen sa më shumë që munden të gjitha procedurat.
“Sa më shumë kërkesa për leje, licenca apo kërkesa për autorizime nga burokratët, aq më shumë krijojmë hapësirë për korrupsion”, ka thënë Veseli.
I pari i Kuvendit ka folur edhe për forcimin e rendit e ligjit dhe ndikimin që mund të kenë në minimizimin e riskut të kreditimit. Ai ka theksuar edhe mungesën e një koncensusi të përgjithshëm për perspektivën ekonomike.
“Lufta politike e ngatërruar me çështje artificiale politike nuk po krijon hapësirë për ekonominë që të dalë në sipërfaqe. Është për të ardhur keq sesi nuk zgjidhen mjete për të bërë politikë dhe kjo e tëra shkon në dëm tëperspektivës ekonomike dhe integrimeve evropiane”, ka thënë kryeparlamentari Veseli.
Sektori privat, sipas Veselit, do të duhej të ishte shumë më kërkues dhe më prezent në krijimin e platformës politike në vend.
Në fund, kryeparlamentari Veseli i ka ftuar të gjithë që së bashku t’i bëjnë reformat e domosdoshme për Kosovën me perspektivë të qartë dhe të sigurt ekonomike./Telegrafi/
Promo
Reklamo këtuLufta Prigozhin - Putin
Më shumëViva Fresh Store renditet si grupi i pestë më i madh i shitjeve me pakicë në Ballkanin Perëndimor!
Bëhu banor i kryeveprës së Prizrenit - Grand Residence
Kurrë s’e ke pas ma lehtë se me Telegrafi Jobs me gjetë punë!
Qysh bohet kerri i vogël, kerr i ri!
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Franca është magnet për investitorët e huaj - cilat reforma i bëri për t'i lënë pas Gjermaninë e Britaninë?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak