Meshkuj, këto gjëra të gardërobës tuaj i irritojnë femrat

Ka disa gjëra të caktuara të gardërobës së meshkujve që thuajse asnjë grua në botë nuk i pëlqen, edhe nëse ato vishen nga mashkulli më joshës dhe më i bukur në botë.

Sidoqoftë, shumica e grave nuk e thonë këtë me zë sepse frikësohen se mund t’i lëndojnë ndjenjat e një mashkulli, transmeton Telegrafi.

Më poshtë i keni disa gjëra të gardërobës së meshkujve të cilat, nëse veç i keni në shtëpi, është mirë që menjëherë t’i hidhni në bërllok.

Bluzë me jakë të thellë “V”

Përderisa një bluzë me jakë normale “V” i jep një mashkulli stil dhe e bën të duket seksi, një jakë e thellë ‘V’ vetëm sa e bën atë mashkull të duket i lirë dhe vulgar.

Pantallonat tepër të shkurtra

Nëse veç keni pantallona më të shkurtra se deri të gjunjët, është mirë t’i hidhni në bërllok sepse më shumë i ‘trembni’ femrat sesa që i tërhiqni ato.

Bluzat me slogane apo shaka klishe

Një bluzë me slogan shpeshherë duket si ‘reklamë’ e cila shndritë nga gjoksi i personit që është duke e veshur atë. Pra, kjo aspak që nuk është mënyra më e mirë për të tërhequr vëmendje. Më mirë është të vishni diçka të thjesht por të kualitetit të mirë, sesa të përpiqeni ta fitoni vëmendjen e femrave përmes mendimeve apo shakave banale.

Sandalet

Sandalet duhet të vishen – nga meshkujt apo femrat – por vetëm në plazh dhe askund tjetër. Nëse i vishni ato në qytet, thjesht nuk do të dukeni mirë!

Jelek i veshur në kombinim me një bluzë

Meshkujt shpeshherë preferojnë të veshin një jelek mbi bluzën me mangë të shkurtra sepse mendojnë që e ‘hijeshojnë’ veten. Fatkeqësisht, shumica e femrave nuk e shohin këtë kombinim si atraktiv dhe vetëm sa do të dukeni qesharakë në këtë veshje.

Ky jelek gjithmonë duhet të vishet si pjesë e një kostumi.

Rripat me pllaka të mëdha

Një rrip me pllakë të madhe apo me një kopsë dhe logo, është definicioni i një trendi që ka kaluar qe një kohë të gjatë. Trendi i sotëm është të vishni një rrip klasik nga lëkura që e ka vetëm një funksion: mbajtjen e pantallonave.

Mos vishni kostum të madhësisë më të madhe

Kostumet janë pjesa më luksoze dhe më seksi e çdo gardërobe të meshkujve. Por, kjo vlen vetëm nëse ajo i përshtatet mashkullit nga madhësia në mënyrë të përsosur. Një kostum i madhësisë së madhe nuk i sjell efektet e dëshirueshme.

Gjërat rozë

Femrat shpeshherë e kanë të vështirë të shpjegojnë se përse nuk e pëlqejnë një mashkull që është i veshur me ngjyra rozë. Sado që mundoheni ta deshifroni këtë, vetëm kuptojeni se meshkujt nuk duken po aq atraktivë sa femrat në këtë ngjyrë.

Xhinset super të ngushta

Nuk është se ka ndonjë gjë aq të keqe për xhinset super të ngushta, megjithatë ato kanë filluar t’i ngjajnë getave të femrave dhe më shumë i largojnë femrat sesa që i afrojnë. /Telegrafi/