Ekonomia e Kinës përballë sfidave serioze

Ekonomia kineze ka treguar sinjale të tjera stabiliteti gjatë muajit tetor, por zhgënjimi i shitjeve me pakicë vijon të shqetësojë ndërkohë që zgjedhja e Donald Trump nxin edhe më shumë parashikimet për ekonominë.

Trump ka shpallur Kinën si armike kryesore të Shteteve të Bashkuara sa i përket tregtisë. Madje Trump ka kërkuar edhe bashkëpunimin e vendeve të tjera aziatike për të luftuar një armik të tillë. Indikatorët e fundit flasin për një ngadalësim të mundshëm të ekonomisë gjatë muajve në vijim.

Pavarësisht kësaj, ekonomistët theksojnë se, të dhënat e fundit flasin për një vijimësi të rimëkëmbjes ekonomike edhe gjatë tremujorit të fundit të vitit. Ekspertët nënvizojnë se, rritja do të vijojë përgjatë tremujorit të katërt dhe tremujorit të parë të vitit të ardhshëm. Dy elementët më shqetësues janë ngadalësimi i kreditimit dhe aktiviteti i dobët i sektorit imobiliar.

Një tjetër problem është edhe borxhi i lartë, në 250% të GDP-së, nga 150% që ishte në vitin 2006. Një rritje e këtyre përmasave ka rezultuar në kolaps financiare në vende të tjera të globit. Investimet ndërkohë u rritën me 8.3% gjatë 10 muajve të parë të vitit, në krahasim me të njëjtën periudhë të një viti më parë, lehtë mbi pritshmëritë e tregjeve. /Telegrafi/