Ish-gruaja e Donald Trumpit i kërkon ish-burrit të saj ta bëjë ambasadore!

Ivana Zelníčková – Trump, ka kërkuar një punë nga ish-burri i saj.

Kjo pasi që ish-gruaja 67 vjeçare e presidentit të sapozgjedhur amerikan, Donald Trump ka thënë se ajo mund të jetë një ambasadore e denjë në Republikën Çeke.

Ivana Trump, e cila u divorcua nga Donald në vitin 1992 ka deklaruar se ajo do të jetë personi i duhur për të përfaqësuar Amerikën në vendlindjen e saj.

‘’Unë propozoj që të jem ambasadore për Republikën Çeke’’, ka thënë ajo për New York Post.

‘’Kjo është nga ajo se nga vijë unë, është gjuha ime dhe të gjithë më njohin mua’’, është shprehur ajo.
Ish-gruaja e Presidentit Trump, ka thënë po ashtu se ajo është e njohur duke iu falënderuar punëve të saj dhe nuk ka nevojë për mbiemrin e ish-burrit të saj.

‘’Unë jam e njohur me emrin Ivana. Unë me të vërtetë nuk kam nevojë për mbiemrin Trump. Unë jam e njohur në mbarë botën, jo vetëm në Amerikë’’.

Ivana Zelníčková po ashtu ka thënë se nuk ndjen keqardhje për të mos qenit Zonjë e Parë, duke thënë se shtëpia e saj në New York, është shumë më e mirë se sa Shtëpia e Bardhë, njofton Klan Kosova.