Plas sherri te Kosova, ky futbollit nuk ka udhëtuar fare në Turqi

Sulmuesi i St.Gallen, Albert Bunjaku, do të mungojë në ndeshjen me Turqinë.

Ai nuk ka ngurruar ta pranojë se i ka mbetur hatri me minutat e pakët që kishte në dispozicion nga trajneri që mban emrin dhe mbiemrin e njëjtë më të.

“Nuk kam udhëtuar në Turqi dhe do të mungojë në këtë ndeshje. Sigurisht më vjen keq që nuk jam pjesë e ekipit për këtë ndeshje.  Kam pasur dëshirë të jem, por dy ndeshjet e fundit nuk ka luajtur, sidomos kundër Ukrainës. Nuk më ka ardhur mirë, më ka mbetur hatri, pasi në Zvicër me skuadrën time luaj rregullisht dhe jam në formë të mirë. Të mos luaj asnjë minutë ka qenë e papranueshme për mua. Për ndeshjen kundër Turqisë nuk kam udhëtuar për hatrin që më ka mbetur dhe për shkak të një lëndimi të vogël që kam ”, ka thënë Bunjaku për Kohën Ditore.

FFK si zakonisht ka tentuar ta mbajë të fshehtë këtë dhe nuk ka dhënë asnjë lajmërim, përveç se në një shkrim të tyre thuhet se atmosfera është në nivel.

Po ashtu as Bersant Celina nuk ka udhëtuar për në Turqi, siç ka thënë përzgjedhësi Bunjaku ‘për arsye personale’, ndërsa besohet se as ky shkaku i hatërmbetjeve nuk i është bashkuar Kosovës.