Aplikacion i ri për planifikim të integruar të resurseve për organet shtetërore

Zbatimi i softwar-it të ri për planifikim të integruar të resurseve për organet shtetërore, ishte tema e takimit të sotëm të ministres së Shoqërisë Informatike dhe Administratës, Marta Arsovska-Tomovska me drejtorin e Shërbimit qeveritar për punë të përgjithshme dhe të përbashkëta, Vase Donevski, transmeton Telegrafi Maqedoni.

Ministria e Shoqërisë Informative dhe Administratës (MSHIA) e koordinon zbatimin e softwer-it të ri i cili ka të bëjë me punën buxhetore, financiare dhe të arkës, mjete themelore, punë materiale dhe të depos dhe ndjekje të realizimit të marrëveshjeve.

‘Zgjidhja e re softwer-ike ka interes intuitiv dhe të integruar dhe siguron automatizim të tërësishëm të biznes proceseve, përmirësim të efikasitetit operativ dhe gjenerim të raporteve për nevojat e udhëheqësisë, ndërsa ka kapacitet ta mbështesë punën e 50 institucioneve shtetërore. Duhet ta zëvendësojë punën e softwer-it të tanishëm të përpunuar në vitin 1993, ndërkaq i cili përdoret prej 29 institucioneve shtetërore’, kumtoi MSHIA. /Telegrafi/