Sadri Ramabaja i VV-së: Në Polici është ulur këmbëkryq UDB-ja

Policia e Kosovës me rastin e 17 vjetorit të themelimit nuk ka marrë vetëm lavdata.

Kritika dhe akuza ndaj zyrtarëve të këtij institucioni kanë drejtuar sërish zyrtarë të Lëvizjes Vetëvendosje.

Si zakonisht aktivistët e VV-së nuk pajtohen me arrestimet e tyre që bëhen nga Policia.

Disa nga ta janë arrestuar edhe më 1 shtator kur në Kuvendin e Kosovës po mbahej seanca për ratifikimin e Demarkacionit me Malin e Zi.

Dy nga ta Sadri Ramabaja dhe Qëndron Kastrati kanë dalë sot në një konferencë për media duke akuzuar rëndë Policinë e Kosovës.

Madje asamblisti Ramabaja tha se në Policinë e Kosovës është ulur këmbëkryq UDB-ja.

“Mekanizma të instaluar në Policia na sjellin në kujtesë situata të palakmueshme si përballjen me forcat policore serbe. Pikëpamjen që kisha lidhur me funksionimin e Policisë e kam ndryshuar shumë. Kam konstatuar me keqardhje që në këtë institucion është ulur këmbëkryq UDB ja serbe”, tha Ramabaja në konferencë.

Ai foli për aktivistët e arrestuar dhe trajtimin e tyre nga ana e Policisë.

Sipas tij Policia ka vënë në thumb familjet që kane dhënë shumë për këtë vend.

“Vetëvendosje po e vret këtë zinxhir komandues të Beogradit të instaluar në Polici. Denoncoj këtë bandë te UDB-së të instaluar në Polici me sjelljet brutale”.

Edhe Qëndron Kastrati i arrestuar më 1 shtator pas protestës foli për ngjarjen gjatë arrestimit