Harta e rrezikut sizmik, për 50 vitet e ardhshme në Evropë: Ballkani, zonë e tërmeteve shkatërruese (Foto)

Vendet e Ballkanit dhe të Mesdheut, por edhe Turqia, janë të vendosura në zonat e termeve më shkatërruese në Evropë, tregon një hartë e bërë nga shkencëtarët e projektit SHARE, të financuar nga Bashkimi Evropian.

Harta tregon se tërmetet më shkatërruese kërcënojnë Italinë, Greqinë, Bullgarinë, Rumaninë dhe Turqinë.

“Evropa ka një histori të gjatë të tërmeteve shkatërruese”, thotë profesori Domenico Giardini, koordinator i projektit SHARE. “Ne të gjithë e mbajmë mend tërmetin tragjik në Turqi të vitit 1999 dhe Italinë e vitit 2009. Në Turqi ishin 17 mijë viktima e në Itali 300”, transmeton Telegrafi.

Hulumtuesit për këtë hartë kanë përdorur të dhëna të më shumë se 30 mijë tërmeteve të shkallës mbi 3.5 të Riherit, duke analizuar efektet e tyre shkatërruese.

Harta evropiane e rrezikut sizmik tregon lëvizjet e pritshme në 50 vitet e ardhshme. Ngjyra e kaltër tregon zonat e rrezikut relativisht të ulët, zonat e verdha dhe portokalli rrezikun e moderuar, ndërsa e kuqja ato të rrezikut të lartë.

“Në këtë projekt, rreziku sizmik i referohet mundësisë së dëmtimit të rëndë dhe humbjes së jetëve njerëzore gjatë tërmetit. Tërmet mesatare në viset e dendura në Evropë mund të ketë pasoja të tmerrshme”, ka thënë Artur Pinto. /Telegrafi/