“Si shpëtova falë një jastëku”, rrëfehet e mbijetuara e tërmetit në Itali

BBC sjell rrëfimin e një vajze të quajtur Maria Gianni. Ajo ka dalë e gjallë nga rrënojat e banesës së saj vetëm sepse një jastëk të cilin e vuri mbi kokë i ka shpëtuar jetën.

“Në njërën anë i gjithë muri ra, por mua nuk më goditi”, tha ajo për agjencinë e lajmeve AP.

Lexo po ashtu Tërmeti në Itali: Pamje drithëruese të regjistruara nga kamerat e sigurisë (Video)

“Nga ana tjetër përsëri ra muri por prapë nuk më goditi, edhe pse kaloi fare pranë meje, shumë afër meje, dhe për fat të mirë nuk pësova gjë. Më pas ishte radha e tavanit që ra mbi kokën time, por arrita të vendos një jastëk mbi kokë dhe nuk u godita, për fat të mirë”.

Lexo po ashtu Tërmeti në Itali: Pamje LIVE nga qyteti që “nuk është më” (Video)

Tërmeti i parë dhe më i fortë ka qenë ai me magnitudë 6,2 dhe thellësi 4 km, i cili ka goditur rreth orës 03:36 në zonën e Accumoli, përcjell bota.al.

Mediat, referuar autoriteteve raportojnë se pas tij ka pasur disa lëkundje të tjera, por tërmeti i dytë i fortë me magnitudë 5,4, ka rënë rreth orës 04:33 me epiqendër pranë Peruxhias dhe me thellësi 8,7 km.

Viktimat e para u konfirmuan nga shembja e banesës së tyre në Pescara të Trontos, një zonë në Arquata.

Pasojat e tërmetit shkatërrues që thuhet se kanë lënë të paktën 38 të vdekur në Italinë qendrore.