Grupi i ekspertëve të pavarur përmes një komunikate për media ka theksuar edhe një herë se kufiri me Malin e Zi bie ndesh me interesat e vendit.
“Më datën 3 Gusht 2016, ne jemi përgjigjur ftesës për të kontribuar në sqarimin e problemit të humbjes së territorit të Kosovës përmes demarkacionit me Malin e Zi. Në atë takim, komisioni shtetëror dhe qeveria nuk patën përgjigje për shume çështje të cilat këtë proces e karakterizojnë si jo të rregullt dhe të kontestuar.
Përcaktimi i një vije të re kufitare mes Kosovës dhe Malit te Zi, e ndryshme nga ajo e vitit 1974-1988, jo që bie ndesh me vetë mandatin e këtij komisioni, por ky kufi nuk është argumentuar me asnjë kriter”, thuhet në komunikatë.
Komunikata e plotë:
Të nderuar qytetarë të Kosovës
Ne, grupi i ekspertëve të pavarur me angazhimin tonë profesional jemi munduar që qytetarëve të vendit dhe deputetëve të ju sjellim sqarimet e nevojshme profesionale për procesin e demarkacionit me Malin e Zi. Këto sqarime kanë qenë të nevojshme duke marrë parasysh jo transparencën e këtij procesi nga ana e Komisionit shtetëror për shënjimin e vijës kufitare dhe qeverisë.
Ne nuk jemi palë interesi në këtë debat shoqëror, por natyrisht që e ndjejmë obligim intelektual dhe qytetar të reagojmë për të gjeturat e këtij procesi, të cilat bien ndesh me interesin e vendit.
Më datën 3 Gusht 2016, ne jemi përgjigjur ftesës për të kontribuar në sqarimin e problemit të humbjes së territorit të Kosovës përmes demarkacionit me Malin e Zi. Në atë takim, komisioni shtetëror dhe qeveria nuk patën përgjigje për shume çështje të cilat këtë proces e karakterizojnë si jo të rregullt dhe të kontestuar.
Përcaktimi i një vije të re kufitare mes Kosovës dhe Malit te Zi, e ndryshme nga ajo e vitit 1974-1988, jo që bie ndesh me vetë mandatin e këtij komisioni, por ky kufi nuk është argumentuar me asnjë kriter. Kjo argumentohet edhe me faktin se as kriteri kadastral nuk është respektuar nga ana e këtij Komisioni, sepse nuk ka përputhje te hartave kadastrale nga njëra ane dhe tjetra. Gjithashtu me datën 3 Gusht 2016, nuk është dhënë përgjigje në zotimet nga komisioni, se përgjatë gjithë vijës kufitare, palët kanë ofruar harta kadastrale dhe dokumente përcjellëse.
Përputhja e vetëm një parcele kadastrale nga njëra anë dhe tjetra, përgjatë kufirit 80km mes Kosovës dhe Malit te Zi nuk u dëshmua as në konferencën e datës 9 Gusht 2016, që Komisioni shtetëror u mundua të paraqes si argument shtesë. Paralajmërimi se do të ofrojnë argumente shtesë për përputhjen e të dhënave kadastrale nga ana Malazeze nuk u arrit.
Të gjitha të dhënat që u ofruan në këtë konference janë dokumente jo relevante për kufirin, sepse nuk u paraqit asnjë dëshmi për vijën kufitare por për thellësinë territoriale të Malit të Zi dhe Kosovës. Të dyshimta ishin edhe argumentet për shfrytëzuesit e kullosave, ku nuk u argumentua se për cilat vende-kullosa bëhej fjalë, kur dihet fakti që qytetarët kërkesat e tyre i kanë drejtuar për të shfrytëzuar kullosat të cilat gjinden në anën tjetër të kufirit përkatësisht në territorin Malazez.
Sa i përket hartës se paraqitur, ajo nuk ishte harte kadastrale me parcela dhe është pjese e dokumentacionit të publikuar nga komisioni, të cilën grupi i eksperteve e ka konsideruar jo valide. Kjo hartë ka ndërhyrje kohore nga Mali i Zi dhe e bën jo valide si dokument zyrtar, ajo hartë gjithashtu nuk përmban asnjë parcelë të vetme kadastrale e cila mund te kufizohet me parcelat nga ana e Kosovës. Neve do të na mjaftonte vetëm një parcele kadastrale me numër dhe koordinata përgjatë 80km të vijës kufitare dhe do te bindeshim për këtë përputhje. Këtë komisioni nuk mundi ta dëshmoje, sepse kjo as që është e mundur të dëshmohet. Fakti që Mali i Zi nuk posedon kadastër për ketë pjese, nuk potencohet vetëm nga ne por nga te gjitha dokumentet zyrtare të qeverisë Malazeze.
Hartat topografike të paraqitura nga Komisioni shtetëror ishin gjithashtu jashtë kornizave ligjore dhe me ndërhyrje me vija digjitale. Grupi i ekspertëve me dt. 03 .08. 2016 para publikut dhe deputetëve ka shpalosur një numër te madh te hartave topografike të cilat e definojnë çartë vijën administrative ndarëse mes Kosovës dhe Malit te Zi. Pra, Komisioni shtetëror tentoi të paraqes argumente të reja, por të njëjtat nuk i debatoi përballë grupit tonë me datën 3 Gusht 2016. Dhe në fund, shtrohet pyetja: Ku dhe nga kush i morri Mali i Zi këta hektarë tokë që po zmadhohet sipërfaqja e këtij shteti pas demarkacionit dhe po e ndryshon shume sipërfaqen zyrtare te këtij shteti?/Telegrafi/
Lufta Prigozhin - Putin
Më shumëKush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Të shtëna me armë në Lupç të Podujevës, katër të plagosur
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Ndalohen për 48 orë pesë të dyshuar për rastin e plagosjes në Lupç
Vdes në vendin e punës punëtorja e një furre të bukës në Mitrovicën e Veriut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit