Nazim Bllaca sot do të japë deklaratë në seancën e mundësisë së veçantë hetuese ndaj Azem Sylës dhe 51 të dyshuarve për tjetërsim të pronave.
Lajmin e dëshmisë së Bllacës në këtë seancë e dha për KALLXO.com Gëzim Kollçaku, mbrojtës i Fahredin Gashit.
Sipas Kollçakut Bllaca do të dëshmojë me anë të video-lidhjes.
Seancat e mundësisë së veçantë hetuese ndaj ish-deputetit Syla dhe të tjerëve nisën më 31 maj, ndërsa janë të mbyllura për publikun, për shkak se të dyshuarit ende vetëm po hetohen.
Më 15 qershor njëra nga këto seanca u shty për shkak se salla më e madhe e Pallatit të Drejtësisë nuk i zuri, të dyshuarit, avokatët dhe gardianët e të paraburgosurve.
Në atë seancë, para se të shtyhej për mungesë kushtesh u diskutuan mundësitë që në seancat e veçanta hetuese të mos marrin pjesë të gjithë të dyshuarit, ose që këto seanca të zhvillohen në sallën e Ministrisë së Drejtësisë.
Shtyrje të seancave pati edhe për shkak të skadimit të mandatit të EULEX-it.
Në seancat e mundësisë së veçantë hetuese, një panel prej 3 hetuesish mund të marrin në pyetje dëshmitarë që mund të ndodhë të mos jenë të pranishëm në procesin e mundshëm gjyqësor dhe dëshmia e dhënë në këto seanca konsiderohet pastaj si e dhënë në seancat gjyqësore.
Azem Syla në fund të prillit të këtij viti u kërkua nga policia në shtëpi por nuk u gjet, ndërsa u dorëzua në polici dy ditë më vonë.
Gjatë këtij aksioni të përbashkët të Policisë së Kosovës dhe asaj të EULEX-it, u arrestuan Nuhi Uka, Sabedin Haxhiu, Avni Maxhuni, Hajrullah Berisha, Ilaz Syla, Lubisha Vujoviq.
Pamje të kërkimit të Azem Sylës në shtëpinë e tij u shfaqën në Emisionin “Drejtësia në Kosovë”.
Gëzim Kollçaku që tregoi për KALLXO.com se Bllaca do të japë deklaratë sot në seancën e mundësisë së veçantë hetuese ndaj Azem Sylës, tha se ka kërkuar që ndaj klientit të tij Fahredin Gashi të veçohet procedura, për arsyen se sipas Kollçakut “Gashi për shkak të sëmundjes mentale nuk mund të kuptojë veprimet e tij, nuk është i aftë ta mbrojë veten dhe të konsultohet me të tjerët dhe avokatin e tij’.
Nazim Bllaca në nëntor të vitit 2009 doli para ndërtesës së qeverisë me një deklaratë publike në të cilën tha se ishte agjent i ShIK-ut, ndërsa akuzoi disa persona për vrasje në emër të kësaj organizate.
11 persona mes të cilëve edhe Fahredin Gashi u dënuan në dy procese të ndara nga deklaratat e Bllacës, i cili u shpall dëshmitar bashkëpunues nga EULEX-i.
Edhe vetë Bllaca u dënua për vrasje të rëndë me 4 vjet e gjysmë burg në vitin 2013.
Promo
Reklamo këtuLufta Prigozhin - Putin
Më shumëNga Rubrika
Babai plagosi të bijën dhe më pas vrau veten, i afërmi: Vajza ishte e divorcuar, fëmijët i kishte marrë i ati
Ministria e Brendshme paralajmëron se një pjesë e agjencive të pavarura e ekzekutive do të shuhen
KSHZ Maqedoni: Jemi gati për rivotimin e së mërkurës
Zeqiri reagon pas shkarkimit: “Puç” i përgatitur prej kohësh
Babai i Hashim Thaçit flet pas takimit me djalin në Hagë
Thaçit i shkojnë për vizitë në Hagë prindërit e tij
Forca Detare shqiptare dërgon anijen e dytë në operacionet e NATO-s
Qëlloi me armë të bijën dhe më pas vrau veten, si ndodhi ngjarja e rëndë në Lushnjë
Shkarkohet kryetari i sindikatës së Policisë së Kosovës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare