Evropianët mund të qëndrojnë në Britani, nëse edhe britanikët mund të qëndrojnë në BE!

Britania e Madh,e pas daljes nga Bashkimi Evropian (BE), nuk do të duhej që qytetarëve evropianë t’ua garantojë të drejtën për qëndrim në shtet, nëse nuk ka premtime të reciproke nga shtetet tjera të BE-së, ka deklaruar James Brokenshire, ministri britanik për emigracion, transmeton Telegrafi Maqedoni.

Statusi i shtetasve të huaj të cilët jetojnë në Britani, si dhe i britanikëve të cilët jetojnë në shtetet tjera të BE-së, janë bërë subjekt i përplasjeve politike pas daljes së Britanisë së Madhe nga Bashkimi i cili garantonte liri të qarkullimit të punëtorëve.

“Flitet se Qeveria britanike shtetasve të BE-së tërësisht do tua garantojë të drejtën për të qëndruar në shtet. Ky nuk do të ishte hap i mençur pa pranuar premtim paralel nga qeveritë evropiane se do ta bëjnë të njëjtën gjë edhe për shtetasit britanik të cilët jetojnë në shtetet e tyre“, ka thënë Brokenshire.

Ai ka theksuar se shtetasit e Bashkimit Evropian edhe më tej janë të mirëseardhur në Britani. /Telegrafi/