LAJMI I FUNDIT:

Poroshenko: Rusia duhet të tërhiqet nga Ukraina

Poroshenko: Rusia duhet të tërhiqet nga Ukraina

Nuk duhet të ketë bisedime për heqjen e sanksioneve perëndimore kundër Rusisë, derisa ajo të tërheqë plotësisht praninë e saj ushtarake nga Ukraina, tha të enjten presidenti ukrainas Petro Poroshenko.

Sipas tij, çdo lehtësim i sanksioneve në këmbim të përmbushje së pjesshme të marrëveshjes së paqes nga Rusia “do të jetë një kërcënim i drejtpërdrejtë për zgjidhjen e situatës në Donbass” rajonin e Ukrainës Lindore, ku separatistët pro-rusë po luftojnë forcat qeveritare ukrainase, transmeton KosovaPress.

Kievi thotë se Rusia ka dërguar trupa dhe armë të rënda në këtë rajon, por Moska ka mohuar në mënyrë të përsëritur këtë pretendim.

Marrëveshja e Minskut e nënshkruar nga Rusia, Ukraina, Franca dhe Gjermania ka për qëllim t’i japë Ukrainës përsëri kontroll në kufirin e saj me Rusinë, tërheqjen e të gjitha armëve të rënda, kthimin e pengjeve dhe të lejojë zgjedhje lokale të monitoruara ndërkombëtarisht, në lindje.