Përse femrat ndjenjë dhimbje gjatë seksit anal dhe si ta bëni seksin anal më të kënaqshëm

Dr. Kimberly McBride, asistente e shëndetit publik në Universitetin e Toledos, së fundmi ka thënë për Cosmopolitan se një pjesë e madhe e femrave përjetojnë dhimbje gjatë seksit anal, pasi që menjëherë fillojnë me aktin dhe nuk kanë kohë të relaksohen, e gjithashtu nuk përdorin lubrifikues.

McBride e krahason herën e parë të seksit anal me atë vagjinal dhe thotë se njëjtë sikurse te seksi vagjinal, edhe te ai anal duhet të keni durim dhe t’i bëni gjërat ngadalë, transmeton Telegrafi.

Ajo thotë se gjëja më e mirë është të eksperimentoni me gjëra të vogla para se të provoni me penis. Këto gjëra mund të jenë gishtërinjtë apo edhe lodrat e seksit.

Porsa të filloni të ndjeni dhimbje, ndaloni dhe filloni prapë, nuk keni nevojë të nxitoni!

Vanessa Cullins, doktoreshë, thotë se ka shumë njerëz që përjetojnë kënaqësi të madhe gjatë seksit anal, mirëpo jo gjithkujt i ndodh kjo.

“Si me çdo veprim tjetër seksual, mos bëni asgjë që sjell dhimbje apo bën të mos ndjeheni mirë”, thotë ajo.

Seksi anal dhe të gjitha llojet e seksit duhet të jenë të kënaqshme, argëtuese dhe të sjellin ndjenja të mahnitshme. Nëse diçka fillon me dhimbje, menjëherë ndaloni!

Për fund, ajo sugjeron që të relaksoheni, t’i merrni gjërat shtruar dhe të përdorni sa më shumë lubrifikues që është e mundur! /Telegrafi/