Sebino Plaku, ish-lojtar i ekipit polak Slask Wroclaw, ishte ulur në një tavolinë të vogël nga presidenti dhe zëvendëspresidenti i këtij klubit, të cilët i kishin prezantuar atij një dokument, që ishte “aneks” i kontratës së tij.
Kjo ngjarje kishte ndodhur më 28 gusht të vitit 2014, dhe siç tregon Plaku për NYT, krerët e këtij klubi i kishin kërkuar atij që të nënshkruajë kontratën e re me 50 për qind zbritje të pagës, dhe për të marr këtë vendim atij i kishin dhënë kohë vetëm 20 minuta.
Sipas futbollistit shqiptar, që aktualisht mbron ngjyrat e Skënderbeut, presidenti i Slask Wroclaw fliste në gjuhën polake, dhe si përkthyes kishte zëvendësin e tij që i thoshte: “Nëse nuk e nënshkruan këtë, ne do ta shkatërrojmë karrierën”.
Sebino Plaku kishte refuzuar këtë ofertë. Më pas sulmuesi shqiptar ka paraqitur një rast arbitrar kundër klubit, dhe si pasojë përreth pesë muaj ka qenë i izoluar, poshtëruar, ka pasur dhunë psikologjike dhe kërcënime, të cilat të kombinuara kanë synuar të shkatërrojnë karrierën e tij profesionale.
Sipas grupeve të avokimit, rasti i Plakut është simbolik dhe shumë i shpërndarë në Evropë, me ç’rast lojtarët duhet të vendosin ndërmjet plotësimit të kërkesave të punëdhënësit të tyre apo ndëshkimit, dhe regjimeve të ashpra në stërvitje. Kjo njihet edhe si stërvitja e vetmuar, që konsiderohet si version i futbollit të vetmisë.
“Është një torturë fizike dhe psikologjike, dhe ndodh çdo kund”, ka thënë Dejan Stefanoviq, ish-futbollist që tani udhëheq unionin e futbollistëve sllovenë, transmeton Koha.net.
Kërkesa që lojtarët të stërvitin të vetëm raportohet se bëhet në çdo vend në Evropë, duke përfshirë këtu edhe emrat më markant të futbollit si Chelsea e Manchester United, e deri te ato më të voglat si Slask Wroclaw, dhe këto grupe të avokimit thonë se shumë raste edhe nuk raportohen fare për shkak se shumë lojtarë heshtin me frikën se mund të humbin të gjitha pozicionet.
Zakonisht, klubet i ndajnë futbollistët nga bashkëlojtarët e tyre për shkak të parave që fitojnë, kur një futbollist nuk dëshiron të vazhdojë kontratën, ose refuzon që klubi t’i ndërpresë kontratën apo të bëjë ndryshime në të, shkruan NYT.
Plaku tregon se ishte detyruar të stërvitej tre herë në ditë, i vetëm dhe pa kohë të mjaftueshme që të ushqehet ndërmjet sesioneve stërvitore. Atij i ishte kërkuar të bëjë vrapime të tepërta, ishte dënuar me mijëra euro nëse vonohej edhe për vetëm 30 sekonda në stërvitje, dhe aktivitete të tjera.
Ekipi polak mbronte këtë sjellje kundrejt Plakut duke thënë se ai nuk ishte mjaftueshëm i përgatitur fizikisht për të qenë pjesë e ekipit të parë. Sulmuesi 30 vjeçar i ka mohuar këto duke i quajtur qesharake.
NYT raporton se presidenti i Slask Wroclawit, Pawel Zelem nuk i ishte përgjigjur pyetjeve rreth përfshirjes së tij në këtë rast. Kurse Krzysztof Swiercz, një zëdhënës i klubit, ka thënë se klubi “nuk ka për çka ta fajësojë veten”.
“Ka shumë lojtarë profesionistë që ushtrojnë dy apo tre herë në ditë dhe asnjëherë nuk ankohen, ata janë në çdo mënyrë profesionistë. Ka njerëz të tjerë që punojnë për 13 orë në fabrika dhe paguhen 235 euro në muaj dhe nuk ankohen. Mendoni vërtet se Plaku ka për çka të ankohet?”, ka thënë ai.
Një gjykatë në Federatën e Futbollit të Polonisë e kishte zgjidhur përfundimisht kontratën e Plakut me Slask Wroclawin, por nuk kishte caktuar asnjë fajtor, që i kishte lejuar klubit të shmangë pagesën e Plakut. Dhe rastin sulmuesi shqiptar e ka dërguar edhe në Gjykatën e Arbitrazhit Sportiv (CAS), dhe një vendim pritet të merret këtë javë.
Plaku ka thënë se dëmi është i madh në karrierën e tij, dhe përkundër që ka menduar se aty do ta ketë karrierën e tij më të mirë, doli e kundërta, pas lëndimit të pësuar.
“Mendoja se do të jetë pjesa më e mirë e karrierës time. Por, doli që të ishte më e keqja”, është shprehur ai.
Promo
Reklamo këtuLufta Prigozhin - Putin
Më shumëNga Rubrika
Italianët çmendën pas “Mandzukicit të ri”
Bellingham dhe gjashtë lojtarë të tjerë të Real Madridit do të fitojnë titullin e parë të ligës këtë sezon
Kaos në Francë: Tifozët dhe lojtarët e klubit hodhën fishekzjarrë kundër njëri-tjetrit, për shkak të kësaj ata do të bien nga liga
Xabi Alonso mund të prishë planet e Barcelonës në Ligën e Kampionëve 2024/25
Barcelona identifikon sulmuesin anësor si objektiv kryesor të verës
Barcelona dhe Bayern Munich po konsiderojnë shkëmbimin e çmendur, marrëveshja do t'i bënte të dy klubet jashtëzakonisht të lumtur
Kaos në Francë: Tifozët dhe lojtarët e klubit hodhën fishekzjarrë kundër njëri-tjetrit, për shkak të kësaj ata do të bien nga liga
Thiago Silva arrin marrëveshje me klubin e ri
Ancelotti zbulon se çfarë e dallon këtë skuadër të Real Madridit nga çdo ekip që ai ka drejtuar ndonjëherë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City