Rrëfimi i djaloshit 10 vjeçar: Ja si trajnohesha nga ISIS-i për të prerë koka (Foto)

Një djalë 10 vjeçar, ka dhënë një intervistë për DailyMail, ku ka thënë se ISIS e mësoi se duhet të vriten dhe t’u prehen kokat të gjithë atyre që nuk janë mysliman dhe që nuk e dinë Kuranin.

10 vjeçari ishte manipuluar si shumë bashkëmoshatarë të tij nga pjesëtarët e ISIS, të cilët tashmë trajnohen për të vrarë njerëz që nuk i përkasin fesë myslimane.

Adami (nuk është emri tij i vërtetë) tregon se si vëllai i tij, e kishte marrë atë për në Siri për të luftuar krahë ISIS-it.

Këta fëmijë që trajnohen nga ISIS, zakonisht janë fëmijët e të vrarëve ose fëmijë të rrëmbyer nga militantët, ata ndryshe edhe quhen “këlysh të kalifatit”, transmeton Gazeta Express.

“ISIS më mësoi se duhet të vrasë dhe t’i pres kokën të gjithë atyre qe nuk janë myslimanë dhe të gjithë atyre që nuk e dinë Kuranin”, ka thënë ai për DailyMail, transmeton Gazeta Express.

“Ne ishim të detyruar të brohorisnim; Unë do të luftojë për ISIS, unë do të luftojë për Shejh Bagdad”, ka rrëfyer ai.

Adami, ndryshe ishte një nga luftëtarët e rinj më të mirë – të cilin e quanin “luftëtar spektakular”, vëllai i tij ishte mjaftë krenarë për të, rrëfen ai.

Megjithatë, Adam, u dërgua në kampin e trajnimit në Raqqa, pasi ai u kap së bashku me dhjetëra djem të tjerë gjatë sulmeve të ISIS në Sinjar në gusht të vitit 2014.

Ai gjithashtu tregon rutinën e tyre ditore, ushtrimet fizike, trajnimet ushtarake dhe propagandat:

“Ne duhet të mësonim çdo ditë për islamin, por edhe për luftën në emër të tij”

“Ne duhej të zgjoheshim në orën 4 të mëngjesit për lutjen e parë, më pastaj flinim prap për disa orë”.

“Ata na zgjonin përsëri në orën 6 të mëngjesit. Na mësuan ligjin e Kuranit dhe Sheriatin deri në orën 12”.

“Pas drekës, në orën 1, ne i kishim trajnimet ushtarake”, tregon djaloshi 10 vjeçar, i cili tashmë po mbahet nga organizata e Hussein AlQaidy, drejtor i Zyrës për çështjet e kidnapimit në Irak.

Adam gjithashtu tregon se ëndrra e tij para se të kapet nga ISIS ishte të bëhet mjek, t’i ndihmonte njerëzit.

“Asnjëherë nuk mendova se do të bëhesha ai që do t’i bëje dëm ndokujt. Disa herë kam dashur të ik nga ISIS, por vendi ku na kanë mbajtur ka qenë jashtëzakonisht i ruajtur, saqë nuk kemi mundur të iknim asnjëri nga ne”, thotë ai.

Adam tregon se ai nuk mundte as te fliste me bashkëmoshatarët e tij, sepse sipas tij në atë kamp ku mbaheshin kishte edhe “spiunë të vegjël” të cilët tregonin gjithçka që flitej në kampin ku u mbanin fëmijët.

Mirëpo, tani Adam po mbahet i mbrojtur nga organizata për mbrojtjen e fëmijëve të kidnapuar në Irak të drejtuar nga Hussein AlQaidy, i cili deri tash kishte shpëtuar rreth 6 mijë fëmijë nga duart e ISIS.