Një fotografi sa një mijë fjalë, do ta përshkruanim në shqip. Por në SHBA, atë e konsiderojnë si diçka që flet aq shumë, mbi rrezikun në të cilin ndodhet demokracia amerikane. Bëhet fjalë për foton, ku shfaqen së bashku dy politikanë kundërshtarë teksa këmbejnë dashuri të ndërsjellë, George W. Bush dhe Hillary Clinton. Foto që mund të shihet edhe si paraqitje e konspiracionit reptil të elitave.
Ish-presidenti George Bush u takua me kandidaten për Presidente, Hillary Clinton, gjatë funeralit të ish-Zonjës së Parë të Shteteve të Bashkuara, Nancy Reagan, ndërsa fotoja e shkrepur në një çast të pavetëdijshëm por tepër origjinal, i tregon ata të shkëmbejnë një buzëqeshje si të ishin miq tepër të vjetër, transmeton tch. Madje, George i ka hedhur edhe dorën mbi sup Hillaryt, fytyra e së cilës tregon gjithashtu një të qeshur të pastër dhe në mungesë të plotë kontrolli.
Sigurisht që nuk bëhet fjalë për një takim të brishtë në një funeral. Ata duken se shkojnë shumë mirë me njëri tjetrin, por ku qëndron problemi këtu?
“Kjo është arsyeja e vërtetë, përse ju duhet të votoni për Trumpin”, shkruan një prej komentuesve të shumtë të fotos që ka marrë dhenë nëpër rrjetet sociale. “Clinton, Bush janë e njëjta gjë”.
I njëjti reagim mund të vinte edhe nga një mbështetës i Bernie Sanders. “Ndaj duhet të votoni për Sanders, sepse elita e vjetër politike shkon në shtrat së bashku dhe të gjithë së bashku bëjnë homazhe ndaj perëndive mercenare të parave të shumta dhe oligarkisë”.
Kur Clintoni u bë Sekretare e Shtetit në vitin 2009, pushtimi i vazhdueshëm i Irakut ishte çështja që administrata “Bush” kishte lënë si një grumbull me gjak të mpiksur në Departamentin e Shtetit. Largimi nga Iraku ishte premtim i Presidentit Obama dhe detyrë e Clintonit. Megjithatë, në vitin 2002 ajo votoi në Senat për t’i dhënë “dritën jeshile” Bushit për këtë invazion tepër të debatueshëm.
A është kjo foto një e tillë që tregon se ajo është shumë e afërt me një person, të cilin e kanë konsideruar gjerësisht si luftënxitës? A është ky model fotoje i duhuri për të mbajtur gjallë sfidën e Sanders sa u përket të ashtuquajturave “primare” të demokratëve? A do ta përndjekë kjo foto Hillaryn edhe nëse bëhet kandidate zyrtare për Presidente të Amerikës?
Le të kthehemi në realitet. Ajo është një foto e dy qenieve njerëzore që duken tepër të njerëzishëm. Ata nuk e urrejnë njëri-tjetrin. Pse duhet ta bëjnë diçka të tillë? A mundet antipatia t’i bëjë më të mirë këta njerëz? A do të ishte më e admirueshme Clintoni nëse do të sulmonte Bushin? A do ta bënte edhe më të mirë atë, nëse ish-sekretarja do të refuzonte të merrte pjesë në funeralin e një ish-Zonje të Parë republikane? Clinton, gjithsesi, është kritikuar tashmë për shkak të lavdërimit që i bëri qëndrimit të Nancy Reagan ndaj AIDS-it (SIDA-s), pasi komentet e saj janë dukur si një përpjekje bujare për të folur ndaj një amerikaneje shumë të admiruar.
Ajo që shihet në këtë foto është bipartizanizëm në një formë intime. Një imazh prekës dhe i ndjeshëm i një respekti reciprok, edhe pse simpati e fshehtë, gjë që është fundamentale për të gjitha demokracitë. Politikanët e pëlqejnë njëri-tjetrin, pavarësisht linjave të tyre ndarëse. Ata mund të bëjnë shaka, madje edhe të jenë miq. Kur ndjeshmëria e civilizuar të mos ekzistojë, apo kur pamje si këto të bëhen të paimagjinueshme, atëherë do të jetë koha për t’u shqetësuar.
Ajo kohë, gjithsesi, mund të jetë duke ardhur. Demokracia duket se po dështon. Një politikan amerikan po nxit dhunë dhe po shfaqet tepër agresiv. Donald Trump ka përdorur një gjuhë të dhunshme dhe ofroi mbështetjen e tij për një fans që e sulmoi. Dhuna me të cilën ai flet u shndërrua në përplasje në Chicago dhe përgjigjja e tij – anulimi i mitingut për shkak të kërcënimit të supozuar nga protestuesit, – përmban dozën e një demagogjie ogurzezë të një dënglamadhi të realizuar në perfeksion.
Luftimet në rrugë, ndezës zjarri, nxitje urrejtjeje dhe ekstremizmi për të ndërtuar mure po e çojnë Trumpin edhe më pranë kandidaturës presidenciale mes republikanëve. Ndaj duhet pritur një moment. E keqja është duke ndodhur dhe askush nuk duhet të shqetësohet për një foto përqafimi.
Ajo foto tregon pikërisht atë çfarë i duhet politikës. Më shumë përqafime, ose të paktën më shumë ndershmëri për të kuptuar se kundërshtari i dikujt është gjithashtu një person i arsyeshëm me perspektivë për të të kuptuar, pa krijuar ndasi. Alternativa është një politikë e urrejtjes dhe pakënaqësisë. Zemërimi mund të jetë fuqi, nëse ju jeni të përgatitur ta lëshoni atë në mënyrë të papërgjegjshme, siç po bën Trump.
Pyetja që lind: a është elektorati amerikan në përgjithësi po aq i irrituar sa mbështetësit e Trump dhe Sanders? Nëse po, atëherë bota mund të gjendet përballë një shqetësimi tepër të madh. Amerika ka demonët e saj. Iraku është një plagë ekzemë. Ndaj dhe kjo mund të jetë arsyeja pse disa persona e konsiderojnë këtë foto si shokuese, sepse aty shfaqet një person që pushtoi Irakun, që i hedh dorën në qafë Hillary Clintonit. E si duhet t’i përgjigjet ajo, t’i hedhë këpucën në fytyrë? Bush, ndryshe nga Trump, të paktën nuk kërcënoi vlerat themelore demokratike të Perëndimit…
Promo
Reklamo këtuLufta Prigozhin - Putin
Më shumëA mund të bëhet president Trumpi edhe nëse dënohet?
Trump thotë se do ta “bombardonte” Rusinë në përgjigje të pushtimit të Ukrainës
Trump përballet me një dënim deri në katër vjet burg
Suedia transferon paketën e saj më të madhe ushtarake për Ukrainën, kap vlerën e 1.16 miliard eurove
Turbulenca në aeroplanin e aviokompanisë Singapore Airlines, bëri që fluturakja të zbret 54 metra për 4.6 sekonda
Japonezi që shpenzoi 14 mijë euro për t'u "bërë" qen trondit sërish - tani tregon se në çfarë kafshë dëshiron të shndërrohet
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
“Edhe ti mendon që Kurti është i rekrutuar i Serbisë”, “Unë nuk mendoj, unë e di” – përplasje mes Dibran Hoxhës dhe Lirim Mehmetaj
Po transferohet te Real Madridi, por Mbappe është tifoz i madh i një skuadre tjetër - ia shikon çdo ndeshje
Nikki Haley shkruan në raketën izraelite të drejtuar për në Gaza: Jepuni fund, Amerika e do Izraelin
PSG do ta largojë në huazim – Xavi Simons tashmë ka zgjedhur klubin e tij të ardhshëm
Shkaku i Xavit po largohet një yll nga Barcelona
Biznesmeni shqiptar i drejtohet Besit pas ndarjes nga Xhensila: Të pata thënë, më vjen keq por ke shpëtuar një herë e mirë