Van Dam do të dhurojë trurin për hulumtime shkencore! (Video)

Ish-super ylli i WWE, Rob Van Dam do t’i bashkohet listës së atletëve që do t’i dhurojnë trurin e tyre shkencës pas vdekjes për të zhvilluar kërkime në lidhje me encefalopatinë kronike (CTE).

Van Dam e bëri të ditur këtë gjatë një dalje në emisionin “The Taz Show”. “Ia kam dhuruar trurin dhe shpinën kurrizore studimeve për CTE”, ka thënë ai.

“I kam thënë shpesh Chris Nowinski-t se mendoja se kishte një lidhje mes THC (tetrahydrocannabinol, elementi kimik që gjendet te marjuana) dhe mbrojtjes së trurit nga tronditjet e jashtme”.

Van Dam ka folur edhe për tronditjet që ka marrim ai gjatë karrierës së tij, edhe pse vetë ai nuk beson se ka vuajtur pasoja të përhershme.
“Kam marrë qindra goditje, por nuk besoj se kam pësuar një dëm të përhershëm. Shumë kolegë të mi nuk mund ta thonë këtë. Shumë nga miqtë e mi thonë ‘oh po, humb ndjenjat’ ose ‘shikoj drita’ ose gjëra të tjera… Nowinski më tha ‘e di çfarë, ti ndoshta ke të drejtë, por do të kushtojë qindra mijëra dollarë para vetëm për të filluar studimet’. Ndërsa tani NFL (Kampionati i Futbollit Amerikan) po merret me këtë çështje”.