Njeriu që kishte qasje në gjithë operacionin: Ja si e kemi organizuar sulmin më të madh terrorist në histori (Video)

Pak ditë para të vritej nga një sulm ajror amerikan në qershor të vitit 2015, një nga njerëzit kryesorë të al-Kaedës, Nasir el Vuhajsi kishte regjistruar rrëfimin e tij në planifikimin e sulmit në kullat binjake më 11 shtator 2001.

Si një nga bashkëpunëtorët më të ngushtë të Osama bin Laden, Vuhajsi kishte akses në të gjithë operacionin që nga fillimi, shkruajnë mediat e huaja, përcjell Telegrafi.

Detajet e sulmit të quajtur "Rrëfimi i patreguar" janë publikuar nga qelia e al-Kaedës nga Gadishulli Arabik (AQAP), të cilën Vuhajsi e kishte komanduar deri në vdekje.

Vuhajsi historinë e tij në lidhje me sulmi e filloi me prezantimin e bashkimit të muxhahidëve, duke thënë se uniteti ishte thelbësor për të sulmuar Shtetet e Bashkuara.

“Më parë, njerëzit nuk i kuptonin qëllimet tona. Xhihadistët ishin të ndarë në disa grupe, të cilët luftonin kundër diktatorëve që udhëhiqnin vendet e tyre. Atëherë Bin Laden kishte vendosur që ne duhet të bashkohemi nëse duam që lufta jonë të jetë e suksesshme. Vendosëm që baza e jonë të jetë në Afganistan, pasi që dora e tiranit nga vendet myslimane, këtu nuk do të mund të na kapte”, ka thënë Vuhajsi.

Bashkëpunëtori i Bin Ladenit ka theksuar se moment vendimtar ishte kur ata e kuptuan se kundër kujt duhej të luftonin, transmeton Telegrafi.

“Osama tha se në qoftë se në të vërtetë duam që ta godasim të keqen, duhet sulmuar Amerikën, e jo të luftojmë kundër qarqeve amerikane në vendet tona”, ka shtuar më tej Vuhajsi dhe shtoi se muxhahidinët ishin të vetëdijshëm se ata nuk mund ta rrëzonin qeverinë saudite.

Ai shtoi se sulmi në SHBA ishte vetëm një hap drejt arritjes së planit final të bin Ladenit për bashkimin e të gjithë muxhahedinëve në botë, të cilët do të vendosnin më pas për luftën e fundit kundër "pafeve".

Vuhajsi thotë se ideja e një sulmi mbi Kullat Binjake erdhi nga Khalid Sheikh Mohammed, i cili është truri i operacionit të udhëhequr nga Bin Laden.

Gjithashtu, Vuhajsi nxjerrë në pah meritat e Abdullah Azzamit, i cili u vra në vitin 1989, i cili konsiderohet "babai i xhihadit modern".

“Ai ishte meritori që ne i mundëm sovjetikët në Afganistan. Idetë e tij jetojnë në çdo muxhahidinë të vërtetë”, ka thënë më tej Vuhajsi.

Bin Laden, “frymëzimin e fundit” e kishte marrë nga vetëvrasja e pilotit egjiptian Gamila Al-Batutija, i cili në vitin 1999 e ishte rrëzuar aeroplanin me 217 pasagjerë në Oqeanin Atlantik.

Zëri i regjistruar nga aeroplani i pilotuar Al-Batuti kishte treguar se në prag të rrëzimit, ai kishte bërtitur 11 herë "Zoti është i madh".

Pas dëgjimit të detajeve të ngjarjes, lideri i Al Kaedës dhe bashkëpunëtorët e tij thuhet se ka thënë: "Përse nuk e ka rrëzuar mbi një ndërtesë?"

Ideja mizore u zhvillua gjatë takimit me Osamën me organizatorët e sulmit, i cili kishte kohë që planifikonte rrëmbimin e avionëve amerikanë.

Transkripti i Vuhajsit në lidhje me organizimin e 11 shtatorit u botua në dy edicione në gazetën e Al Kaedës "Al Masri". Pjesa parë ishte publikuar më 31 janar, ndërsa e dyta më 9 shkurt. /Telegrafi/