Në Kosovë deri në fund të muajit shator janë importuar mallra në vlerë prej 1.8 miliard eurosh, kurse janë eksportuar mallra me vlerë prej 279.9 milionë eurosh.
Krahasuar me periudhën e njëjtë të vitit të kaluar, eksporti ka shënuar rritje prej 9-përqindësh, ndërsa sa iu përket shteteve që prijnë me import në Kosovë, kampione e të gjithave mbetet Serbia.
Zëdhënësi i Doganës së Kosovës, Adriatik Stavileci, ka treguar se për nëntë muaj janë importuar mallra në vlerë prej 1.8 miliard eurosh. “Deri në fund të muajit shtator në Kosovë janë eksportuar mallra me vlerë 279.9 milionë euro, që është rritje e eksportit prej 9-përqindësh krahasuar me vitin e kaluar”, është shprehur Stavileci për gazetën “Epoka e re”.
Ai ka thënë se vitin e kaluar për të njëjtën periudhë ka pasur eksport në vlerë prej 260 milionë eurosh. “Gjatë këtij viti në vend të parë qëndron Serbia për kah vlera e mallrave të importuara. Më pas janë Gjermania, Turqia, Italia, Kina, Maqedonia, Greqia, Shqipëria, Bosnja dhe Hercegovina, si dhe Kroacia”, deklaroi ai.
Ndërkaq, Alban Zogaj nga Instituti “RIINVEST” rritjen e eksportit e ka cilësuar si lajm shumë të mirë për ekonominë e Kosovës pasi, sipas tij, ndikon në rritjen ekonomike të vendit. “Rritja e eksportit është një lajm shumë i mirë për ekonominë tonë, sepse rritja e eksportit ndikon pozitivisht në rritjen ekonomike të vendit, apo në rritjen e GDP-së dhe ky është qëllimi ynë kryesor”, ka thënë Zogaj. Sipas tij, rritja e shkallës së eksportit do të ndikojë në rritjen e vendeve të reja të punës. “Sa më shumë që arrijmë të eksportojmë, aq më konkurruese do të jenë ndërmarrjet tona dhe aq më shumë vende të reja të punës do të hapen në vend”, është shprehur Zogaj.
E, njohësi i çështjeve ekonomike, Lulzim Beqiri, ka thënë se kjo është edhe çështje e mosformimit të institucioneve. Sipas tij, më herët Qeveria e Kosovës është dashur të krijonte politika të favorshme për bizneset e Kosovës.
“Në vend importohen produkte të cilat Kosova mund t’i prodhojë vetë siç janë produktet e qumështit dhe produkte të tjera”, ka deklaruar Beqiri, duke shtuar se Qeveria e Kosovës do të duhej të bënte politika më të favorshme për ruajtjen e produkteve vendore, ashtu siç veprojnë Gjermania, Turqia dhe vendet e zhvilluara.
“Prodhuesit vendorë duhet të bëjnë përpjekje që produktet e tyre të jenë më cilësore, sepse kemi edhe produkte jocilësore”, ka thënë ai. Ndërkaq rritjen e eksportit Beqiri e ka cilësuar si një lajm të mirë. “Padyshim se është një lajm i mirë. Mendoj se inkuadrimi i organeve kompetente për krijimin e kushteve të favorshme për eksport, bashkëpunimi në mes shteteve, rritja e standardeve të prodhimit sipas direktivave të BE-së nga ana e bizneseve, kanë ndikuar të ketë rezultate në këtë drejtim”, ka thënë Beqiri. /Epoka e Re/Telegrafi/
Lufta Prigozhin - Putin
Më shumëProplus Call Center po vjen edhe në Gjilan!
Ditët me fat kanë mbërritur në Neptun!
Ekzaminime falas për kancerin e gjirit në Albi Mall më 12 dhe 13 tetor
Rënie e dukshme e konsumit të energjisë elektrike në veri të Kosovës pas fillimit të faturimit
Interes i madh – stoku po shteron! Volvo xc90 me zbritje 20,000€ vetëm për pak blerës të mbetur!
FASAL paraqet inovacionet e reja në Global Albanian Gastronomy Festival
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Ylli i Real Madridit ulërin nga dhimbjet e mëdha pas lëndimit të tmerrshëm që pësoi ndaj Villarrealit
Kader Kicaj pjesë e kinematografisë evropiane?
Ronaldo kërkon nga drejtuesit e Al Nassr t’i bëjnë yllit të Man Cityt një ofertë prej një milionë eurosh në javë
Mysafirëve në "daljen e parë publike në 11 vjet" të Michael Schumacher iu dha një rregull i rreptë për t'u ndjekur
Xhuli Nura zbulon lidhjen e re: Djaloshi nga Zvicra është më i ri se ajo
Dyshohet se përmban një oqean dy herë më të madh se ai i Tokës, NASA gati të nisë anijen më të madhe kozmike drejt hënës së Jupiterit