Rezultatet e regjistrimit bujqësor në shtator 2015

Regjistrimi i Bujqësore në Kosovë ka përfunduar tw enjten, ku janë përfshi 34 komuna të Republikës së Kosovës, deri sa katër komunat e veriut nuk kanë marrë pjesë në këtë regjistrim.

Zyrtarë të Agjencisë së Statistikave të Kosovës (ASK), kanë treguar se ky projekt ka shkuar për së mbari, deri sa kanë treguar se në regjistrim nuk kanë marrë pjesë katër komunat e pjesës veriore të Kosovës, nga të cilat nuk kanë pasur ndonjë përgjigje zyrtare pse nuk kanë marrë pjesë, edhe pse u kanë bërë thirrje për të marrë pjesë në këtë regjistrim.

Kryeshefi ekzekutiv i ASK-së, Isa Krasniqi ka thënë se Regjistrimi i Bujqësisë është një projekt shumë madhor, i cili po behët pas shumë viteve në Kosovë.

“Regjistrimi i Bujqësisë ka kaluar jashtëzakonisht mirë, ka kaluar sipas planifikimeve që i ka bërë Agjencia e Statistikave të Kosovës dhe konfrom Ligjit të Regjistrimit të Bujqësisë dhe të gjitha ligjeve të tjera në Republikën e Kosovës. Duke respektuar njëkohësisht dhe standardet e projekteve të tilla madhore. Ndoshta diçka që nuk është plotësuar në tërësi, është fakti që përfundimisht katër komunat veriore të Republikës së Kosovës nuk kanë marrë pjesë në Regjistrimin e Bujqësisë 2014”, ka thënë Krasniqi.

Ai ka treguar se kanë pasur disa pengesa të vogla në fillim të Regjistrimit të Bujqësisë, që ai i ka quajtur gabime teknike, mirëpo pastaj në bazë të angazhimeve dhe monitorimeve të vazhdueshme, procesi i Regjistrimit të Bujqësisë u stabilizua, gjë që sipas tij ka shkuar në rrjedhe të duhur dhe dita e fundit realizimit të këtij projekti në terren, ka qenë 20 nëntori.

“Sipas Ligjit të Regjistrimit të Bujqësisë, shpallja e rezultateve preliminare, që është në fund të shkurtit 2015 dhe po ashtu shpallja e rezultateve finale, në shtatorë vitit 2015 dhe në vazhdimësi deri në dhjetor të vitit2015 me publikime të njëpasnjëshme”, ka thënë ai.

Bajrush Qevani, menaxher i projektit të Regjistrimit të Bujqësisë, ka treguar në pika të shkurta metodologjinë e punës, ku tha se “regjistruesit në vendbanime rurale, kanë shkuar derë në derë, në çdo ekonomi familjarë dhe e kanë intervistuar kryefamiljarin dhe e ka plotësuar pyetësorin e Regjistrimit të Bujqësisë”. Ndërsa, në vendbanimet urbane, siç ka treguar ai, pyetësori ka shkruar vetëm në ekonomitë familjare, duke deklaruar për tokën dhe blegtorinë që kanë ata. /Telegrafi/