Përvoja e suksesshme eksportuese e kompanisë Devolli Corporation me pronar Shkelqim Devollin, sfidat me të cilat përballen prodhuesit vendor, si dhe hapat që duhet t’i ndjekin institucionet e vendit për zhvillimin e mëtutjeshëm të sektorit të prodhimtarisë, ishin temat kryesore për të cilat u diskutua në konferencën për media, të organizuar nga Devolli Corporation.
Mediave të pranishme në këtë konferencë, iu drejtua drejtori Ekzekutiv i Odës Ekonomike Amerikane në Kosovë, Arian Zeka dhe menaxheri i Projekteve i Kompanisë Devolli Corporation, Burim Kuraja.
Ndër të tjera, Zeka theksoi se vështirësive me të cilat përballen prodhuesit kosovarë në plasimin e produkteve të tyre jashtë vendit për shkak të pengesave të shumta, kompania Devolli Corporation ka vazhduar punën e saj të suksesshme si prodhues vendor, duke u bërë një ndër eksportuesit më të mëdhenj vendor, për çka edhe mori titullin si Eksportuesi i Vitit 2014 nga Ministria e Tregtisë dhe Industrisë.
Ai po ashtu theksoi se në përgjithësi mjedisi afarist në Kosovë nuk është shumë favorizues për sektorin e prodhimtarisë kjo edhe për shkak të politikave jo të favorshme fiskale të trashëguara nga e kaluara, duke ftuar institucionet e vendit që të vazhdojnë më tej me fuqizimin e vendimeve të cilat mundësojnë lehtësirat fiskale për investimet e reja varësisht nga shuma e investimeve dhe numri i vendeve të krijuara të punës.
Përfaqësuesi i Devolli Corporation, Kuraja, foli më tepër për investimet e kësaj kompanie dhe sfidat nëpër të cilat kjo kompani ka hasur gjatë punës së saj për të depërtuar në tregjet e jashtme.
Ai njoftoi se aktualisht kompania Devolli Corporation ka arritur të zgjerojë eksportet e saj në 18 shtete, përshirë këtu Shtetet e Bashkuara të Amerikës, Kanada, Angli, Suedi, Zvicër, Austri, Holandë, Danimarkë, Norvegji, Itali, Slloveni, Turqi, Maqedoni, Shqipëri, Mal të Zi, Serbi dhe Gjermani, të cilat në total arrijnë vlerën prej afro shtatë milionë euro.
Më tej, Kuraja u shpreh i kënaqur me rezultatet e Devolli Corporation si Eksportuesi i vitit, duke theksuar që ky epitet vetëm sa i obligon që të punojnë më tepër në zhvillimin e sektorit të prodhimtarisë, dhe ekonomisë së vendit në përgjithësi, duke kontribuar sadopak edhe në zbutjen e papunësisë në vend.
Sa i përket planeve të kompanisë për të ardhmen, Kuraja theksoi se synimet e tyre janë investimet në linjat e reja të prodhimit si dhe zhvillimi i mëtutjeshëm i eksportit në 13 shtete të reja.
Në pjesën e fundit të kësaj konferenca, ishte e rezervuar hapësira për pyetje të gazetarëve, ku u diskutua më tepër rreth problemeve me të cilat përballen kompanitë e sektorit të prodhimit, përfshirë politikat fiskale, furnizimi me energji elektrike dhe tarifat që aplikohen në këtë drejtim, me ç’rast Oda Amerikane u shpreh e gatshme që në vazhdimësi do të kontribuojë me rekomandimet dhe punën e saj drejt përmirësimit të këtyre politikave dhe ambientit të të bërit biznes në përgjithësi.
Promo
Reklamo këtuLufta Prigozhin - Putin
Më shumëKëto kompani të mëdha po ju kërkojnë – A jeni gati për një sfide të re?
Mos e humbisni mundësinë e fundit për të fituar një Vespa të re nga Auto Mita
EBC vjen me zbritjen e madhe vetëm një ditore në blerjet online
Hapet resorti më i ri në Golem, "FAFA Aqua Palace" - Tani e dini se ku t'i kaloni pushimet
Edhe pak ditë na ndajnë nga ndarja e shpërblimeve nga loja e Emona Center
Back to School në Cinestar me 31 gusht dhe 1 shtator me çmime të biletave 2,50€
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Të shtëna me armë zjarri në Prishtinë, pesë të plagosur dërgohen në QKUK
Mysafirët nga Serbia e njoftojnë Kurtin: Beogradi po planifikon zhvendosjen e serbëve të Kosovës për në Sanxhak
Super gol i Edon Zhegrovës përballë PSG-së
Aktorja e famshme turke ka rrënjë shqiptare - flet me krenari për veshjet dhe ushqimet tradicionale
Formë e re e presionit ndaj Netanyahut - grevë e përgjithshme, ‘paralizohet’ gjithçka në Izrael
Vrapi me pengesa i turizmit në Shqipëri: Rritja e pajustifikuar e çmimeve la shezlongët bosh