Naftëtarët në Kosovë thonë se kanë ulur çmimin e naftës për 30 për qind. Aktualisht, sipas tyre, një litër naftë në Kosovë mund ta blesh me 1.00 euro, derisa ka qenë 1.30 euro. Të kontaktuar nga Radio Evropa e Lirë, naftëtarët kanë theksuar se çmimi i naftës në Kosovë është real dhe në suaza të lëvizjeve të çmimeve në tregjet botërore.
Ata kanë ritheksuar se çmimi i naftës në Kosovë nuk mund të jetë më i lirë tani, kur merren parasysh taksat që ata paguajnë për këtë produkt.
Në Doganat e Kosovës, kompanitë importuese tregojnë se paguajnë akcizë 0.35 euro për një litër naftë, ndërsa për benzinë paguajnë 0.33 euro, pastaj këtu shtohet Tatimi mbi Vlerën e Shtuar, transporti dhe shpenzimet tjera.
Nazmi Bytyqi, pronar i “Petrol Oil Sllovenija” në Kosovë, thotë se çmimi naftës ka shënuar rënie, por që nuk mund të jetë 50 për qind më lirë ashtu siç është në berzë. “Çmimi i naftës dihet botërisht që ka rënie në berzën botërore, por nuk do të thotë që ka rënie në berzë botërore të interpretohet edhe në shtetin përkatës, siç është rasti i Kosovës. Në Kosovë është 1.00 euro, ka edhe më ulët për një cent. Por duhet të kihen parasysh elementet që ndikojnë në formimin e çmimit. Kosova ka ulur çmimin e naftës për 30 për qind”, bën të ditur Bytyqi.
Mos ulja e çmimit të naftës, ngjashëm siç po ndodh në shumë vende të botës, ka ngritur reagime në Kosovë.
Ekspertë të çështjeve ekonomike vazhdimisht kanë theksuar se ka fiksim të çmimeve të naftës.
Fadil Berjani, udhëheqës i Shoqatës së Naftëtarëve në Kosovë, kritikat se naftëtarët mund të kenë bërë fiksim të çmimeve, i quan të pavërteta. “Në Kosovë është një rënie e lehtë e çmimit. Duhet kuptuar sot çmimi furnizues është 47 cent aty i shtohet akciza, TVSH –ja, transporti, ky është çmimi që kalkulohet dhe del në tregun e Kosovë nuk ka marrëveshje të çmimit, është treg i lirë. Kosova është i vetmi vend në regjion që nuk ka rregullatorë, por nuk ka marrëveshje interne”, tregon Berjani.
Sidoqoftë Berjani thekson se sikur Kosova të kishte një rregualltor që do të monitoronte këtë sektor, çmimet e naftës do të ishin më të lira. “Rregullatori i duhet Kosovës dhe duhet të bëhet sa më parë, ky sektorë nuk është nëm kontroll ashtu si duhet të jetë. Besojmë që Ministria e Tregtisë dhe Industrisë do të bëjë që brenda tre muajve që edhe në të kemi këtë rregullator, ashtu siç e kanë vendet e rajonit”, thotë Berjani.
Në lidhje me lëvizjet e çmimit të naftës dhe të derivateve të saj në tregun botëror dhe përshtatjen e çmimeve vendore me këto lëvizje, Ministria e Tregtisë dhe Industrisë përmes një njoftimi për media, ka bërë të ditur se përshtatja e çmimeve të naftës dhe derivateve të saj në Kosovë është te suaza të lëvizjes së çmimeve në tregjet vendore dhe të rajonit. “Nga krahasimi i çmimeve shitëse me shumicë dhe pakicë me ato tё rajonit shihet qartazi se nё Kosovё nuk ekziston mospërshtatje e çmimeve nё atё nivel qё do tё bёjё tё nevojshme ndërhyrjen e Qeverisë sё Kosovës pёr tё caktuar çmimin e naftёs dhe tё derivateve tё saj nё tregun e Kosovës.”, thuhet në njoftimin e Ministrisë së Tregtisë dhe Industrisë.
Ministria e Tregtisë dhe Industrisë ka theksuar se do tё vazhdojë tё monitorojë nga afër lëvizjet eventuale tё çmimeve të naftës dhe tё derivateve të saj nё tregun botëror dhe rajonal dhe do tё ndërmarrë veprimet e nevojshme në përputhje me ligjin. /Rel/Telegrafi/
Promo
Reklamo këtuLufta Prigozhin - Putin
Më shumëKëto kompani të mëdha po ju kërkojnë – A jeni gati për një sfide të re?
Mos e humbisni mundësinë e fundit për të fituar një Vespa të re nga Auto Mita
EBC vjen me zbritjen e madhe vetëm një ditore në blerjet online
Hapet resorti më i ri në Golem, "FAFA Aqua Palace" - Tani e dini se ku t'i kaloni pushimet
Edhe pak ditë na ndajnë nga ndarja e shpërblimeve nga loja e Emona Center
Back to School në Cinestar me 31 gusht dhe 1 shtator me çmime të biletave 2,50€
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Të shtëna me armë zjarri në Prishtinë, pesë të plagosur dërgohen në QKUK
Mysafirët nga Serbia e njoftojnë Kurtin: Beogradi po planifikon zhvendosjen e serbëve të Kosovës për në Sanxhak
Super gol i Edon Zhegrovës përballë PSG-së
Aktorja e famshme turke ka rrënjë shqiptare - flet me krenari për veshjet dhe ushqimet tradicionale
Formë e re e presionit ndaj Netanyahut - grevë e përgjithshme, ‘paralizohet’ gjithçka në Izrael
Vrapi me pengesa i turizmit në Shqipëri: Rritja e pajustifikuar e çmimeve la shezlongët bosh