Verifikimi i borxheve të Trepçës – merr shumë kohë! (Video)

Përcaktimi për të futur në procesin e likuidimit kombinatin “Trepça” ka qenë alternativa e fundit e përcaktuar me ligj, raporton KTV.

Drejtues të Dhomës së Veçantë të Gjykatës Supreme të Kosovës kanë thënë se me ligjin e mëhershëm janë konsumuar të gjitha afatet për shtyrjen e procesit të likuidimit.

Megjithatë, çështja e borxheve nuk ka përfunduar, përcjell koha.net. Por, vërtetësia e pretendimeve për borxhet e Trepçës pritet të marrë shumë kohë.

Projektligji për ndryshimin dhe plotësimin e ligjit për ndërmarrjet publike i miratuar në lexim të parë në kuvend, i jep qeverisë të drejtën që të shndërrojë në ndërmarrje publike çfarëdo ndërmarrje shoqërore që është nën menaxhim të AKP-së.

Sa i përket Trepçës, me anë të këtyre ndryshimeve qeveria si pronare e saj ka marrë vendim që çdo pretendim për borxhe ta zgjidhë nëpërmjet një arbitrazhi apo gjykate kompetente dhe ato detyrime i takojnë vetë ndërmarrjes publike.

Në AKP kanë arritur mbi 1000 kërkesa që pretendojnë për borxhe që u ka Trepça.