Borxhet totale që qytetarët e Kosovës i kanë borxh shtetit apo kompanive në pronësi të shtetit është afro 800 milionë euro. Nuk dihet shuma e saktë e faljes së borxheve për shkak se duhet të bëhet prerja e tij për secilin konsumator, por në bazë të kalkulimeve të përgjithshme, pra krijimit të borxhit në periudhën 15 vjeçare dhe heqjes së borxhit për 9 vjet del se janë falur afro 500 milionë euro.
Kjo falje i ka lehtësuar qytetarë por në mas edhe më të madhe biznese, por ka vënë në vështirësi, sidomos kompanitë publike.
Madje edhe ekspertët e ekonomisë dhënë alarmin.
Drejtori i Institutit për Studime të Avancuara GAP, Agron Demi, thotë se ky është një vendim i mirë, nëse është në pyetje vetëm falja e borxheve të qytetarëve me gjendje të rëndë ekonomike. “Por, falja e borxheve edhe për bizneset si dhe për ata të cilët nuk i kanë paguar taksat e tatimet, perkundër gjendjes së mirë ekonomike, është vendim i gabuar”, thekson Demi.
Sipas tij nëse ndodhë kjo e fundit do të irritojë tej mase një pjesë të atyre që kanë paguar me rregull obligimet e tyre ndaj shtetit.
Edhe drejtori i Institutit për Hulumtime Zhvillimore, “Riinvest”, Lumir Abdixhiku, vlerëson se parimisht, falja e borxheve të vjetra do të lehtësojë tensionin social në vend. Të njëjtën kohë ai e kundërshton përgjithësimin. “Do të ishte mirë që kjo falje të mos përfshinte individë apo biznese që nuk janë kategori sociale apo që nuk jetojnë në prag të varfërisë”, thotë Abdixhiku.
Ai e vlerëson si të padrejtë ndaj qytetarëve të rregullt nëse bizneset e individëve milionësh përfitojnë nga falje të tilla. “Në përgjithësi, për secilin individ në vështirësi sociale, kjo falje është më se e mirëseardhur”.
Ndërsa, Safet Gërxhaliu, Kryetar i Odës Ekonomike të Kosovës mendon njëjtë si qeveria. “Ka qenë kërkesë e jona edhe e ATK-së që të mbyllen borxhet e vjetra. Është një hap i mbarë po duhet të shikohet që fillimisht nga kjo falje të përfitojnë rastet sociale. Edhe falja e borxheve ndaj bizneseve duhet të jetë në shërbim të zhvillimit ekonomik të vendit”, tha Gërxhaliu.
Falja u bë e ditur pas mbledhjes së Qeverisë të mbajtur të enjten.
Ministri i Financave i Republikës së Kosovës, Avdullah Hoti, njoftoi se do të krijohet një komision, i cili do të shqyrtoj mundësinë për faljen e të gjitha borxheve që bizneset dhe qytetarët e Kosovës kanë ndaj institucioneve të Kosovës dhe ndaj ndërmarrjeve publike, deri më 31 dhjetor 2008.
Hoti theksoi se janë bërë vlerësimet paraprake për borxhet që bizneset dhe qytetarët kanë ndaj ATK-së, doganave, tatimit në pronë, dhe borxhet ndaj ndërmarrjeve publike në energji, ujë, mbeturina dhe ngrohje dhe se në afat prej një muaji ky komision do të del para Qeverisë me propozimin për nivelin e këtyre borxheve, dhe procedurat e mëtutjeshme për të legalizuar komplet këtë vendim në instancat e duhura të Republikës së Kosovës.
Rreth 260 milion euro janë borxhet që bizneset kanë ndaj Administratës Tatimore të Kosovës.
Nga kjo vlerë, borxhi bazë sillet rreth 120 milionë euro, ndëshkimet rreth 45 milionë, kurse 80 milionë euro janë interesa.
Nga të gjitha këto nëse borxhet e para 31 dhjetorit 2008 falen i bie se administrata tatimore do të falë rreth 130 milionë euro. Por të gjitha këto para nuk janë të qytetarëve por të subjekteve juridike konkretisht bizneseve.
Kompania që prin më vlerën e borxheve është padyshim Korporata Energjetike e Kosovës (KEK). Qytetarët kësaj kompanie publike i kanë borxh më shumë se 400 milionë euro.
Kurse, borxhi i konsumatorëve ndaj ujësjellsit “Prishtina” është rreth 50 milionë euro, shumë e cila është si pasoje e mos pagesës se pjesës se faturuar, e që shumë konsumatore nga pas lufta.
Po ashtu edhe kompania e mbeturinave “Pastrimi”, nuk i ka punët mirë me borxhlinj. Zyrtarë të kësaj kompanie kanë thënë se borxhi aktual është rreth 16 milionë euro.
Edhe ndaj ngrohtores “Termokos” qytetaret i kanë borxh rreth 18 milionë euro.
Borxhe ndaj ngrohtores kanë edhe qytetarët e Gjakovës. Borxhi i përgjithshëm i konsumatorëve ndaj “Ngrohtores së Qytetit” arrin në vlerën prej rreth 18 milionë euro.
Po ashtu edhe konsumatorët e ujit të pijes në veri të Mitrovicës, Zveçan dhe fshatrat përreth i kanë borxh kompanisë rajonale “Ujësjellësit” në Mitrovicë 7.8 milionë euro. Kurse, borxhi totali i gjithë qytetarëve të Mitrovicës është rreth 10 milionë eurosh.
Kurse, qytetarët e Gjakovës ujësjellësit të tyre i kanë borxh 9.8 milionë euro. E, ata të Gjilanit ujësjellësit “Hidromorava”, i kanë borxh rreth 4 milionë euro./GazetaFjala/Telegrafi/
Promo
Reklamo këtuLufta Prigozhin - Putin
Më shumëNga Rubrika
Vendimi për pagën minimale ngre dilema ligjore, Ministria e Financave hesht
Bajrami i reagon kryeministrit Kurti për Investimet e Huaja Direkte: Kjo ka ndodhur nga blerja e banesave nga mërgata
Kurti krenohet me investimet e huaja direkte: Janë rritur 2.4 herë më shumë krahasuar me qeveritë e kaluara
Inaugurohet investimi më i ri për lumturinë e fëmijëve - ATC Trade
Për flokë dhe lëkurë rrezatuese: Këto 3 lloje të kolagjenit janë gjithçka që ju duhet
Horizon School mirëpret nxënësit për ditën e parë të shkollës
IPKO angazhohet për një vit të suksesshëm shkollor në Kosovë
Kush tha që pushimet verore kanë mbaruar? Shtatori vie me oferta që nuk duhet t'i humbisni asesi
Fondi i Kursimeve Pensionale: Arrihet vlera 3 miliardë euro në menaxhim
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Publikohen pamjet e reja të Titanikut - anija e famshme po kalbet në fund të oqeanit
Historiku i përleshjeve Capat-Sekiraqa, që përfundoi me viktima
Indiania e dërgoi djalin në spital sepse gëlltiti një çelës - mjekët e tronditur zbuluan se ai kishte ngrënë edhe disa objekte metalike
Real Madridi kishte vetëm dy objektiva të tjerë në verë - kishte arsye të forta pse u tërhoq
Çfarë tregojnë historitë e zëvendëspresidentëve për shanset e Kamala Harrisit?
Finlanda do të zgjidhë një nga sfidat më të mëdha të njerëzimit