Pushimet tatimore për bizneset që investojnë një shumë të konsiderueshme dhe gjenerojnë vende të reja të punës në Kosovë, duhet të hynë në fuqi urgjentisht, thonë përfaqësues të bizneseve në Kosovë. Sipas tyre, pushimet në taksa janë lehtësira që vendet e rajonit kanë filluar të aplikojnë kohë më parë dhe kjo ka bërë që këto vende të jenë më tërheqëse për investitorët ndërkombëtarë.
Drejtori ekzekutiv i Odës Ekonomike Amerikane në Kosovë, Arian Zeka, i ka thënë Radios Evropa e Lirë se hyrja e në fuqi e këtyre pushimeve tatimore, ka qenë kërkesë e vazhdueshme e tyre gjatë viteve të fundit.
“Këto lehtësira jo që janë të mirëseardhura, por natyrisht që janë edhe urgjente dhe arsyeja është fare e thjeshtë, kjo është diçka që po ofrohet nga vendet e rajonit të cilat po janë shumë më konkurruese dhe më agresive në tërheqjen e investimeve të huaja direkte dhe nëse ne dëshirojmë të kemi investitorë të huaj, natyrisht kjo është ajo çka duhet të ofrojmë”, vlerëson Zeka.
Kosova ka shënuar rënie të madhe të investimeve të huaja ndërkombëtare gjatë viteve të fundit. Derisa në vitin 2007, këto investime arrinin shifrën e mbi 500 milionë euro, në vitin 2014 ato shënuan rënie në 121 milionë euro.
Në programin e aprovuar nga Qeveria e Kosovës, thuhet se në kuadër të politikave tatimore, do të aplikohen pushimet tatimore për bizneset. Kjo politikë, thuhet se do të kontribuojë në zhvillimin e mëtutjeshëm të ndërmarrjeve të reja dhe stimulimin e investimeve të reja në vend, si dhe krijimin e vendeve të reja të punës.
Megjithatë, nuk tregohet se kur do të hyjnë në fuqi. Në një intervistë dhënë për Radion Evropa e Lirë në muajin shkurt, ministri i Financave Avdullah Hoti, kishte thënë se brenda gjashtë muajve do të procedohen në Kuvendin e Kosovës ligjet që e rregullojnë këtë çështje.
Shaqir Palushi, pronar i kompanisë “Frutex” nga Suhareka, thotë se pushimet tatimore për një kohë të caktuar, do t’i ndihmonin prodhuesit në Kosovë.
Megjithatë, ai kujton se në një dokument që i është dërguar bizneseve nga Ministria e Financave, nuk janë paraparë këto lehtësira për bizneset, por që siç thekson ai, këto lehtësira do t’i propozojnë ndaj autoriteteve kompetente.
“Një nga propozimet tona, do të jetë lirimi nga pagesa e tatimit në fitim për korporatat që investojnë. Kompanitë që investojnë mbi 1 milion euro, do të propozojmë të lirohen një vit, ato që investojnë 2 milionë të lirohen nga këto pagesa 2 vite dhe ato që investojnë 3 milionë të lirohen 3 vite”, thotë ai.
Ndryshe, në prill të vitit të kaluar, Qeveria e Kosovës kishte marrë vendim që të ketë pushime nga taksat për të gjitha investimet e reja, tre deri në shtatë vite.
Për investitorët që investojnë prej dy deri në pesë milionë euro, ishte theksuar se do të kenë katër vite lirim nga Tatimi në Korporatat dhe nga Tatimi në Vlerën e Shtuar.
Kurse ata që investojnë deri në dhjetë milionë euro, do të lirohen për pesë vite. Ndërsa mbi dhjetë milionë euro dhe 150 vende pune, lirohen deri në shtatë vite nga këto taksa.
Sidoqoftë, ky vendim nuk kishte hyrë në fuqi në atë kohë për shkak të procedurave ligjore të cilat kishin ngecur, si pasojë e ngërçit politik. /Rel/Telegrafi/
Lufta Prigozhin - Putin
Më shumëDitët me fat kanë mbërritur në Neptun!
Proplus Call Center po vjen edhe në Gjilan!
Ekzaminime falas për kancerin e gjirit në Albi Mall më 12 dhe 13 tetor
FASAL paraqet inovacionet e reja në Global Albanian Gastronomy Festival
Interes i madh – stoku po shteron! Volvo xc90 me zbritje 20,000€ vetëm për pak blerës të mbetur!
Durrësi ende ofron ditë të ngrohta - Shijo pushime të këndshme me oferta për toke
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Barcelona do të tentojë transferimin e yllit të Bayernit të cilit i skadon kontrata në fund të sezonit
Njihuni me "ishullin parajsë" në Belize, ku çmimi për një shtëpi nuk është i lirë, por ka shumë për të ofruar
Ky është çifti që thuhet se u gjetën të vdekur, të përqafuar nën rrënoja - pas përmbytjeve shkatërruese në Bosnjë
Ukraina nuk do të anëtarësohet në NATO për sa kohë që unë jam në krye të qeverisë sllovake - thotë kryeministri Fico
Ushqimi për FSK-në - flet ministri i Mbrojtjes, Ejup Maqedonci
Tifozët e Man United po kërkojnë shitjen e një lojtari pas paraqitjes së dobët ndaj Aston Villës