Udhëzim të ri administrativ për arka fiskale

Ministri i Financave Avdullah Hoti, ka nxjerrë Udhëzimin Administrativ për Shfrytëzimin e Pajisjeve Elektronike dhe të Sistemeve Fiskale. Ai ka bërë të ditur se me udhëzimin e ri administrativ, do të hiqet edhe diskrecioni nga ministri sa i përket lejeve për furnizim me arka fiskale.

Kjo, sipas tij, do të hiqet nga niveli politik dhe do të lihet në duart të eksperteve të ATK-së. “Kemi përgatitur Udhëzimin për arkat fiskale që në mënyrë fundamentale e ndërron komplet furnizimin me arka fiskale, duke u mundësuar një proces shumë më të lehët automatik të transferimit të të dhënave, duke aplikuar plotësisht nënshtrimin digjital dhe duke heq përfundimisht monopolin që ka ekzistuar deri tash me furnizimin me arka fiskale, ku vetëm një kompani ka mbuluar 70 për qind të tregut dhe ka ofruar lloje të ndryshme të arkave fiskle”, ka thënë Hoti.

Ministri Hoti bëri të ditur se do të rritet kontrolli teknik i pajisjeve fiskale nga 12 muaj në 24 muaj si dhe do të kërkohet vlerë e qarkullimit më e ulët sesa ishte me parë. Me një udhëzim administrativ janë vendosur edhe disa stimuj që qytetaret të blejnë në kompanitë e pajisura me arka fiskale dhe çdo tre muaj qytetaret mund të dorëzojnë kuponët fiskal në mënyrë që tu kthehet nje pjesë e TVSH-së.

“Kemi përjashtuar shërbimet publike nga pajisja me arka fiskale në mënyrë që të mundësojmë që ne të mbledhim TVSH-në me rastin e pagesës së shërbimit publik, të themi energji, ngrohje ose ujë, e jo ti ngarkojmë ata në rastin e lëshimit të faturës përpara se të bëhet pagesa. Dhe gjithashtu i kemi përjashtuar nga pajisja me arka fiskale të gjitha institucionet publike ose private që merren me aktivitete kulturore, sportive”, ka thënë Hoti.

Ministria ka vendosur që ti subvencionoj nga ATK-ja edhe disa profesione që janë në zhdukje, si farkëtarët, qeleshe punuesit, etj., ndërsa ka përjashtuar shërbimet publike nga pajisja me arka fiskale, si dhe institucionet publike dhe shtetërore që merren me aktivitetet kulturore artistike. /Telegrafi/