AAK: Gjakova veturën e 27 mijë eurove e shiti tetëmijë euro

Kryetarja e Komunës së Gjakovës ka shpenzuar 13,488.63 euro për dreka zyrtare, për mëditje jashtë vendit 6,880.58, dhe karburant për automjete 4,182.31. Po ashtu, duke organizuar ankand publik, AAK thotë se Komuna ka shitur në vlerë simbolike automjetin zyrtar Audi A6 të zyrës së kryetarit, në vlerë 8,150.00 euro, vlera e të cilit ka qenë 27 mijë euro.

Kështu thuhet në një komunikatë të AAK-së në Gjakovë të cilët kanë kërkuar një specifikim në mënyrë analitike nga zyra e kryetares Mimoza Kusari Lila për shumën e shpenzuar për ndarje të subvencioneve në vlerë 83,395.22 euro.

Sipas tyre, Qeveria lokale po tregon në këtë raport që nuk dinë të qeverisë, nuk dinë të drejtojnë por as të krijojnë menaxhim efikas modern.

“Nga të hyrat e saj, Komuna e Gjakovës i ka të paarkëtuara 5,695,799.00 euro… Ne si opozitë ju kujtojmë që ekzistojnë 70 lloje të të hyrave Komunale, e se keni ngecje të madhe në inkasimin e të hyrave nga tatimi në pronë. Vlera e obligimeve të tatimit në pronë ndaj Komunës është 4,099,722,52.00 ndërsa faturimin për një vit e keni 1,548,171,26.00 euro; borxhi nga qiratë e dyqaneve është ne vlerën 365,638.00…”. /Telegrafi/