Greqia rihap bankat dhe rrit TVSH-në

Greqia i pagoi dje borxhet BQE-së dhe FMN-së, një shumë prej rreth gjashtë miliardë euro duke rihapur gjithashtu bankat me shërbime ende të limituara pas tre javësh të mbyllura dhe duke rritur TVSH-në ashtu si e kërkuan kreditorët.

Në sajë të 7,16 miliardë eurove të zhbllokuara menjëherë nga BE-ja, Greqia i ka paguar dy këstet e prapambetura Fondit Monetar Ndërkombëtar (FMN) më 30 qershor dhe 13 korrik, për një total prej dy miliardë eurosh. Këto rimbursime, konfirmuar nga institucioni, i mundësojnë Greqisë të dalë nga një situatë e dështimit të pagesave ndërkohë që po negociohet për një plan të tretë ndihme.
Ajo i ka paguar gjithashtu Bankës Qendrore Evropiane (BQE) 4,2 miliardë euro, principal dhe interesa, sipas një burimi të afërt të Ministrisë greke të Financave, si dhe një kredi Bankës së Greqisë prej 500 milionë eurosh.

Gjithashtu, të gjitha bankat në vend janë rihapur dhe klientët kanë qenë të shumtë në numër.

Edhe pse shërbimet e ofruara mbeten të limituara, me një kontroll të kapitaleve, qetësia e disa klientëve përballë këtij normalizimi është manifestuar.

“Është mirà «. Stresi u zhduk. Duhet tashmë të ecim përpara të gjithë së bashku, si një vend”, theksoi Yiorgos Doxakidis duke falënderuar francezët, italianët, por gjithashtu dhe gjermanët për marrëveshjen e arritur në kuadër të një plani të tretë ndihme. /AFP/Telegrafi/