Kosova nuk është një vend pa perspektivë dhe pa konkurrencë në Bashkimin Evropian, vlerësojnë ekspertë të çështjeve ekonomike dhe përfaqësues të biznesit.
Pas nënshkrimit të Marrëveshjes për Stabilizim-Asociim, Kosova – thonë ata – me disa produkte dhe shërbime të saj mund të jetë konkurruese në tregjet e Bashkimit Evropian.
Por, për të qenë konkurruese, institucionet e Kosovës dhe komuniteti i biznesit duhet që resurset që i posedon, vendi t’i aktivizojë.
Eksperti i çështjeve ekonomike, Nam Gashi, në një prononcim për Radion Evropa e Lirë thekson se janë disa sektorë në të cilët Kosova ka përparësi me rajonin dhe vendet e Bashkimit Evropian.
“Ne nuk do t’i konkurrojmë Bashkimit Evropian me prodhimtarinë e veturave, e as me kompjuterë, mirëpo do t’i konkurrojmë BE-së me programe kompjuterike, do t’ konkurrojmë BE-së me produkte ekologjikisht të pasura bujqësore të cilat prodhohen në Kosovë, së me një treg energjetik i cili është deficitar në rajon”, thotë Gashi.
Secili shtet brenda Bashkimit Evropian, ka disa kapacitete favorizuese në raport me vendet e tjera. Edhe Kosova, shton Gashi, mund të ketë kapacitete dhe nuk duhet t’i frikësohet konkurrencës.
“Ekziston një keqkuptim edhe në popullatë edhe në komunitetin e biznesit, në përgjithësi, se si është e mundur që Kosova t’i konkurrojë një tregu 500 milionësh. Tregu 500 milionësh i BE-së është shumë i shpërndarë dhe krijon hapësirë për kompani të fuqishme, por edhe për prodhues të vegjël edhe për shtete të vogla, siç është rasti i Kosovës”, thekson Gashi.
Ndërsa, kryeministri i Kosovës, Isa Mustafa, ka deklaruar se nënshkrimi i Marrëveshjes së Stabilizim Asociimit me BE-në, do të jetë nxitje për investime të jashtme në Kosovë. Ai ka shtuar se krahas nënshkrimit të MSA-së, Bashkimi Evropian nëpërmjet fondeve të Instrumentit të Para-Anëtarësimit (IPA), do të shpenzojë deri në vitin 2020, mbi 600 milionë euro në Kosovë, që kanë për qëllim rritjen e kapaciteteve konkurruese.
Produktet e Kosovës vazhdojnë të jenë shumë pak të pranishme në tregun evropian. Më shumë se gjysma e mallrave për nevojat e popullatës dhe të ekonomisë së Kosovës, vazhdojnë të importohen nga vende të ndryshme të rajonit dhe Evropës.
Sipas statistikave zyrtare, eksporti i mallrave në muajin gusht 2015 kishte vlerën 28, 3 milionë euro, ndërsa importi 245,2 milionë euro.
Kryetari i Odës Ekonomike të Kosovës, Safet Gërxhaliu, thotë për Radion Evropa e Lirë se produktet vendore janë treguar që janë kualitative dhe si të tilla, do të mund të jenë konkurrente në tregun evropian.
“Kosova është në rrugë të integrimit ekonomik, integrimi ekonomik ngërthen më vete internacionalizmin e ndërmarrësisë, ndërsa internacionalizmi i ndërmarrësisë përmban kushte dhe kritere të veçanta,siç janë certifikimi, standardizimi, menaxhimi i kualitetit dhe shumë procedura të tjera. Në të gjitha këto etapa, është dëshmuar se produktet kosovare janë mjaft kualitative”, shprehet Gërxhaliu.
Vlen të theksohet se prodhimet e Kosovës kanë arritur të marrin çmim të lartë ndërkombëtar për cilësi.
Prodhuesi i industrisë së mishrave “MEKA”, është kompania, e cila ka fituar çmimin e lartë ndërkombëtar për cilësi nga Business Initiative Directions (BID) me seli në Madrid të Spanjës.
Sidoqoftë, Gërxhaliu thekson se në Kosovë mungon një dozë e nacionalizmit ekonomik, që si i tillë po reflektohet drejtpërdrejt në forma të ndryshme te prodhimet vendore.
“Po qe se ka gatishmëri dhe një dozë të nacionalizmit ekonomik në Kosovë që për fat të keq mungon, këto produkte vërtet mund të jenë një brend që mund të ndikojnë në përmirësimin e imazhit të produkteve të Kosovës edhe në Evropë edhe më gjerë”, konsideron Gërxhaliu.
Marrëveshja e Stabilizim-Asociimit ndërmjet Kosovës dhe Bashkimit Evropian është paralajmëruar nga autoritetet se do të nënshkruhet së shpejti.
Nënshkrimi i Marrëveshjes së Stabilzim-Asociimit që shënon edhe vendosjen e parë të marrëdhënieve kontraktuale të Kosovës me Bashkimin Evropian, do t‘i japë fund një procesi, negociatat për të cilin filluan në tetor të vitit 2013 dhe ato u siguruan pas angazhimit të Kosovës në bisedimet me Serbinë për normalizimin e marrëdhënieve ndërmjet dy vendeve.
Promo
Reklamo këtuLufta Prigozhin - Putin
Më shumëNga Rubrika
Skanerët në pikat kufitare: Kur, si dhe pse?
SUV-i i ri Dacia Bigster nxjerr fokusin e markës në vlerën, dobinë dhe dizajnin funksional
Rizvanolli: Ishte një kohë kur në veri lulëzonin laboratorët e drogës, mihja e kriptovalutave, e biznese tjera ilegale të kriminelëve
Informata të rëndësishme për konsumatorët e ujit në regjionin e Prishtinës
Si Vetura Scout ndryshoi mënyrën se si shqiptarët bëjnë shitblerje të veturave në Kosovë!
U mbajt konferenca “Turizmi i Qëndrueshëm” - Peja, Prizreni dhe Prishtina, destinacionet kryesore të turizmit në Kosovë
Pensioni bazik rritet në 120 euro, i kontributpaguesve deri në 318 euro - ja nga sa do të marrin pensionistët pas rritjes prej 20 për qind
Misteri i shpikësit të Bitcoin
19 vite rrugëtim me ETC: Një muaj plot oferta dhe festë për ju!
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Arda Guler nga Turqia i dërgon mesazh Carlo Ancelottit për minutazhën te Real Madridi
Çfarë janë uraganet, sa të rrezikshëm janë dhe çfarë mund të ndihmojë në zbutjen e dëmeve?
Mbi 160 mijë euro, 696 kilogramë mjaltë e 250 kilogramë fasule ia gjejnë në shtëpi – Policia arreston të dyshuarin në Ferizaj për kontrabandë e tregti të ndaluar
Pamje nga vizita e Jakup Krasniqit te varri i vëllait, më pas i takon familjarët në fshatin e tij
Kaloi 50 mijë konkurrentë në audicion - kush është Nora Tushi, shqiptarja që po mahnit jurinë gjermane
Berisha: Do të dalin audio-incizime të tjera, do të na vijë turp