Deri në qershor të vitit 2015 numri i llogarive të vlefshme bankare arriti në 1.87 milion, që nënkupton që mesatarisht gati çdo qytetar në Kosovë është i pajisur me llogari bankare, bënë të ditur Banka Qendrore e Kosovës (BQK) përmes publikimit të raportit të stabilitetit financiar.
Mirëpo, kjo shifër prej 1.87 milion llogari bankare, nëse e krahasohet me numrin e llogarive bankare në vend me qershorin e vitit 2014, sipas raportit, tregon për një rënie të llogarive bankare për 0.3%.
Ndërsa, llogaritë bankare E-banking përmes të cilave shfrytëzuesit i qasen shërbimeve bankare ‘online’ nga interneti kanë vazhduar të rriten. Kështu që deri në qershor të vitit 2015 numri i llogarive E-banking arriti në 164,583 që paraqet rritje vjetore prej 11.4%, rrjedhimisht, duke u rritur numri dhe vëllimi i transaksioneve përmes shërbimit E-banking.
“Numri i përgjithshëm i transaksioneve të realizuara përmes llogarive E-banking arriti në 1,029,752 deri në qershor të vitit 2015 (kurse 680,315 deri në qershor 2014).
Vlera e transaksioneve të realizuara përmes llogarive E-banking deri në qershor 2015 arriti në 2.44 miliardë euro (apo 1.67 miliard që ishte deri në qershor 2014)”, thuhet në publikimin e BQK-së.
Më tej theksohet se struktura e llogarive E-banking vazhdon të dominohet nga llogaritë rezidente me një pjesëmarrje prej 97.5% në qershor 2015. Në kuadër të llogarive të rezidentëve, llogaritë individuale bankare përbëjnë 78.8% dhe pjesa e mbetur nga 21.2% nga llogaritë afariste. Ngjashëm, struktura e llogarive të jo-rezidentëve dominohet nga llogaritë individuale (90.9% në qershor 2015), përderisa llogaria afariste ka një pjesëmarrje prej 9.1%.
Siç theksohet në publikim, numri i gjithsej kartelave debiti dhe krediti që ofrojnë shërbime për tërheqje të parave të gatshme dhe pagesa të ndryshme shënoi rritje vjetore prej 8.9% në qershor 2015.
“Numri i kartelave me funksion debiti në qershor 2015 arriti në 690,914, kurse me funksion krediti në 126,812. Numri i kartelave të debitit u karakterizua me rritje vjetore prej 9.0%, kurse kartelat e kreditit me rritje vjetore prej 8.2% në qershor 2015. Pjesëmarrjen më të lartë si në kartelat e debitit dhe kreditit deri në qershor 2015 e kishin kartelat Visa (71.9% përkatësisht 89.2%), pasuar nga kartelat Master Card (27.9% përkatësisht 9.3%)”, thuhet në raportin e stabilitetit financiar të BQK-së.
Infrastruktura bankare në vend sa i përket rrjetit të bankomatëve (Automated Teller Machine: ATM) dhe pajisjeve POS (Point-of-Sale) ka shënuar rritje. Numri i pajisjeve ATM dhe POS (që mundësojnë pagesat në pika të shitjes) shënuan rritje vjetore prej 3.7 për qind përkatësisht rritje prej 2.8 për qind në qershor 2015.
Po ashtu gjatë kësaj periudhe është rritur edhe numri i bankomatëve të instaluara ATM (Automated Teller Machine) me 505 sosh dhe pajisjeve POS (Point-of-Sale) me 9,449.
Deri në qershor 2015, numri i tërheqjeve përmes ATM-ve arriti në 5.0 milionë (ndërsa, 4.7 milionë deri në qershor 2014), me një qarkullim prej 533.6 milionë euro (dhe 450.1 milionë deri në qershor 2014). Numri i pagesave përmes pikave të shitjeve me kartela në terminalet POS, arrit në 2.5 milionë me vlerë prej 143.7 milionë euro.
Sipas BQK-së, numri i transaksioneve të përpunuara nga sistemi elektronik i kliringut ndërbankar (SEKN) deri në qershor 2015, arriti në 4.7 milionë (kurse, 4.3 milionë deri në qershor 2014), duke shënuar rritje vjetore prej 9.0%. Kurse, vlera e gjithsej transaksioneve në këtë periudhë arriti në 3.34 miliardë euro (3.18 miliardë deri në qershor 2014), që paraqet një rritje vjetore prej 5.0%.
Mesatarja ditore e transaksioneve përmes SEKN-së arriti në 39 mijë të tilla, ndërsa vlera e tyre në 27.8 milionë euro. Në raport me numrin e transaksioneve, pagesat e rregullta masive vazhdojnë ta kenë pjesëmarrjen më të lartë prej 39.1% në kuadër të instrumenteve të pagesave.
Këto pagesa janë kryesisht të realizuara për institucionet qeveritare. Më pas vijnë pagesat prioritare masive me një pjesëmarrje prej 36.2%, që janë kryesisht të realizuara nga institucionet qeveritare (siç janë pagesat e pagave dhe pensioneve), dhe pagesat xhiro të cilat kanë një pjesëmarrje prej 13.7%, dedikuar kryesisht pagesave të shërbimeve publike. Pagesat xhiro janë pagesat të cilat kanë shënuar rritjen më të shpejtë në numër (641,423 deri në qershor 2015 nga 452,014 deri në qershor 2014). /KosovaLive/Telegrafi/
Promo
Reklamo këtuLufta Prigozhin - Putin
Më shumëNga Rubrika
Lansohet aplikacioni më i ri i lojalitetit që sjell t’mira pafund Kartela Plus!
Të bashkuar në luftën kundër kancerit: Gratë e Kosovës morën kontroll falas për kancerin e gjirit në Albi Mall
Frymëzimi për sukses: Gent Shala dhe Tiziano Benvenuti – fjalimet që nuk duhet t’I humbisni!
India, anëtare e BRICS refuzon de-dollarizimin - përqafon dollarin amerikan
Pensioni bazik rritet në 120 euro, i kontributpaguesve deri në 318 euro - ja nga sa do të marrin pensionistët pas rritjes prej 20 për qind
Meritaterm vazhdon kampanjën me super zbritje prej 33% për pompën termike më të mirë në treg, Toshiba
Foleja Home: Produkte cilësore dhe moderne për shtëpinë dhe zyren tuaj
Kjo është super platforma për menaxhimin e procesit të dhënies dhe marrjes me qera të veturave
Vezët Bio REA-s: Zgjedhje e shëndetshme për familjen tuaj
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Arda Guler nga Turqia i dërgon mesazh Carlo Ancelottit për minutazhën te Real Madridi
Çfarë janë uraganet, sa të rrezikshëm janë dhe çfarë mund të ndihmojë në zbutjen e dëmeve?
Mbi 160 mijë euro, 696 kilogramë mjaltë e 250 kilogramë fasule ia gjejnë në shtëpi – Policia arreston të dyshuarin në Ferizaj për kontrabandë e tregti të ndaluar
Pamje nga vizita e Jakup Krasniqit te varri i vëllait, më pas i takon familjarët në fshatin e tij
Kaloi 50 mijë konkurrentë në audicion - kush është Nora Tushi, shqiptarja që po mahnit jurinë gjermane
Berisha: Do të dalin audio-incizime të tjera, do të na vijë turp