Skandali i Volkswagenit do të shkaktojë rreth 60 vdekje

Skandali i emetimit të gazrave nga Volkswageni mund të shkaktojë deri në 60 vdekje në Amerikë deri në përfundim të vitit të ardhshëm, thuhet në një hulumtim nga shkencëtarët në Universitetin e Harvardit dhe Institutin e Teknologjisë Massachusetts.

Duke instaluar softuer të njohur si “defeat devices”, në automjetet e saj me naftë, makinat e Volkswagenit kanë emetuar për 40 herë më shumë sasinë e dëmshme të oksidit të azotit (NOx), sesa që është e përcaktuar nga Agjencia e Mbrojtjes së Mjedisit në SHBA, thuhet në raporton e këtij hulumtimi, shkruan CNBC, transmeton Koha.net.

“Të gjithë kemi faktorët që na rrezikojnë në jetën tonë, dhe emetimi i gazrave tani është edhe një rrezik tjetër”, ka thënë Steven Barret, shkencëtar nga Institutin e Teknologjisë Massachusetts (MIT).

“Nëse merrni parasysh rrezikun shtesë për shkak të emetimeve të tepërta të Volkswagenit, atëherë rreth 60 njerëz kanë vdekur ose do të vdesin më herët”, thuhet një deklaratë të këtij hulumtimi.

Sipas studimit do ketë të prekur mesatarisht “31 raste të bronkitit kronik, 34 raste të shtrimeve në spital, 21mijë do të jenë me simptoma të frymëmarrjes, 120 mijë persona me zvogëlim të aktiviteteve ditore”.