Parfumet më luksoze për stinën e dimrit

Tashmë përdorimi i një parfumi është bërë një detaj i rëndësishëm i ditës ashtu sikurse është veshja. Shumëllojshmëria e tyre bën që të gjithë të gjejnë veten në aromat e këtyre parfumeve.

Revista e njohur The independent ka bërë një përmbledhje të parfumeve më të mira në treg. Emrat më të njohur të parfumeve, duke nisur nga Gucci e deri te Calvin Klein.

I pari parfum që kryeson listën është “Belle D’Opium”. Një version i përditësuar aromatik i portretit të YSL-së, Belle D’Opium është një prekje e butë klasike. Aromë myshku e ngrohtë, është një parfum ideal për sezonin e dimrit.

Emri tjetër është Hugo Boss. Një parfum shumë i njohur, me famë të jashtëzakonshme. Festimi portokall i lumturisë së Boss-it, është një aromë gazmore e mollës dhe pjeshkës me një bazë vanilje të ëmbël.

Jo më pak i njohur është dhe Gucci. Një prej emrat më të lakuar në botën e parfumeve. Emëruar pas këngës së Barbra Streisand “Fajtor”, ky është një parfum që të bën të jesh krenar, të mos kesh turp prej tij. Kjo është një aromë e gjallë orientale me mandarinë dhe piper të kuq.

Tom Ford është parfumi tjetër i radhës. Nëse ju ëndërroni për pushime në Mustique, kjo aromë e limonit blu do t’iu çonte drejt e në pemët e agrumet e këtij rajoni. Me barishtet e kësaj toke ashtu si “bucu” e Afrikës së Jugut, kjo aromë ekzotike është e përkryer për ata që janë udhëtarët e zemrës.

Marka me famë ndërkombëtare Calvin Klein është një tjetër parfum. Zambaku i ujit dhe Jasmina janë esencat e luleve në zemrën e bukurisë. Me shishen e saj elegante, ovale, kjo është një zgjedhje e sofistikuar.

Dhe në fund, Chloe. Nuhatje e ëmbël, e paraqitur me një gotë elegante dhe shishe metalike me një zinxhir të sigurimit te kapaku, Chloe “Dashuria”, është një parfum që duhet të ketë çdo i fiksuar i modës. /Telegrafi/