Frizurat që përballojnë motin e nxehtë dhe lagështinë

Bëjeni frizurën të thjeshtë dhe moderne, e cila do t’u mundësojë flokëve tuaj që të marrin lehtë frymë edhe gjatë ditëve të nxehta.

Pesë sosh më të bukura për këtë verë:

Tallazet natyrore
Flokët e gjatë mos i torturoni duke i tharë me tharëse. Lërini le të marrin lirshëm frymë,madje edhe në formën e tallazeve të detit, transmeton Telegrafi. Pasi që t’i lani flokët, bëjeni një gërshet të lirshëm apo mbështillni flokët në gërshet të lirë në maje koke. Mos i krihni, por hidhni pak silikon apo krem në majë.

Balerina e çrregullt
Bëjeni një gërshet të lartë në maje koke, por të shprishur, nxirrni ndonjë xhufkë, sepse sa më e çrregullt të duket gërsheti juaj, do të duket edhe më interesante. Mund ta zbukuroni gërshetin me lule, në mënyrë që të arrini pamje sa më romantike.

Gërsheti apo hala e peshkut
Në stilin e sirenës së detit bëjeni në formë hale peshku apo gërsheti, pastaj hidheni nga njëra anë. Jo vetëm që kjo frizurë do t’ju shërbejë gjatë freskimit, por kërkon edhe pak grim, ndërkaq me këtë frizurë mund të shkoni edhe në punë edhe në plazh.

Afërdita dominuese
Kjo frizurë është posaçërisht e përshtatshme për vajzat me flokë të rëndë dhe të shpeshtë, meqë rikujton kurorën është ideale për mbrëmje romantike apo për kurorëzime gjatë verës.

Si nyjë
Nëse më shumë e preferoni frizurën sa më të rregulluar, bëjeni në formë të nyjës në mes të kokës. Nxirreni në pah qafën, ndërkaq, sipas nevojës, mund të vendosni pak xhel në mënyrë që frizura të duket sa më në rregull. /Telegrafi/