E bukur, edhe pa shumë lodhje

Çdo kalim nga një stinë në tjetrën, ndjehet tërësisht sidomos nga lëkura jonë; përveç stresit emotiv që lidhet me perceptimet tona, lëkura pëson edhe ndikime të jashtme.

Pranvera sjell nevojën për trajtim të veçantë
Ndryshimet e temperaturës dhe lagështirës, agjentët e ndryshëm atmosferikë si shiu, era, pa dyshim që nuk janë ndihmesë për ekuilibrin shumë të hollë të lëkurës sonë. Kësaj i shtohet pastaj edhe një masë lënieje pas dore ose një mendjelehtësi në zgjedhjen e produkteve e trajtimeve dhe, dëmi është bërë tashmë. A doni ta shmangni këtë gjë të pakëndshme? Ndiqni programin tonë të rinovimit…

Pastrimi i lëkurës
Shpesh lëkura duket e mbuluar nga një shtresë opaciteti, e cila pakëson shkëlqimin dhe nxjerr më në dukje të meta të vogla të saj. Për të hequr dhe fshirë stresin nga fytyra, para së gjithash duhet një pastërti e mirë. Të paktën për një jave, do të jetë e nevojshme një sapun i mirë detergjent, një fshirës ose një heqës papastërtish delikat, i cili duhet kaluar në fytyrën e lagur me ujë të vakët; ky veprim duhet të përsëritet çdo mëngjes dhe mbrëmje për shtatë ditët e para, pastaj përgjatë gjithë muajit vetëm në mbrëmje.

Pastrimi peeling i bërë vetë mund të përgatitet duke përzier disa lugë kos të hollë lope me një lugë të majme sheqeri të imët; alternativa për lëkurat më të yndyrshme përfaqësohet nga përzierja sheqer-limon…për lëkurat e thata mund t’i shtohet përzierjes kos-sheqer edhe një sasi qumështi pastrues për fytyrën. Pasi të keni pastruar fytyrën, përdorni pastaj mbi të një shuk pambuku të lagur me tonik; lëreni të thahet produkti vetë dhe pastaj kaloni te një krem i veçantë, hidratues për ditën dhe ushqyes për natën. Mbi lëkurat e përziera ose të yndyrshme, kremi ushqyes zëvendësohet me një ekuilibrues yndyre ose thjesht me një pastrues.

Për të marrë rezultate të kënaqshme, këshillohet përdorimi i një maske kozmetike, e cila duhet përdorur në mbrëmje një ditë po një ditë jo për javën e parë, pastaj dy herë në javë për dy javët e tjera dhe në fund, një herë në javë me regjim të rregullt. Për të favorizuar veprimin e maskës, para aplikimit të produktit, duhet larë fytyra me ujë të ngrohtë dhe qumësht pastrues dhe, me fytyrën e lagësht ende, duhen bërë masazhe me lëvizje rrethore; shpëlani sërish fytyrën me ujë të ngrohtë, fshini me një pecetë teprinë e ujit dhe vini një shtresë të bollshme maske, duke e lënë të veprojë sa ka kohën e vet. Pasi të keni respektuar kohën e veprimit të saj, mund ta lani fytyrën me kujdes dhe mirë, duke hequr tepricat e saj me një pastrues të mirë fytyre.

Trajtimet e veçanta

Lëkura e pastruar dhe pa asnjë papastërti, mund të japë rezultate të shkëlqyera me çdo trajtim estetik dhe kozmetik. Përbërësit themelorë janë qumështi dhe toniku, që të dy të pazëvendësueshëm për pastrimin e fytyrës; këtyre u shtohen edhe një heqës makijazhi për sytë dhe buzët, i dobishëm për të hequr buzëkuqin që mban për një kohë të gjatë dhe rimelin rezistent ndaj ujit dhe, nëse nuk duam që të na mungojë asgjë fare, repartin e “pastrimit thelbësor” duhet ta plotësojmë me ujë termal që hidhet në fytyrë, gushë dhe dekolte për një ndjesi të menjëhershme mirëqenieje.

Për pastrimin me themel nuk duhet të mungojnë scrub-et dhe fërkimi me kokrriza, maska, baltë jeshile dhe disa vajra esencialë që duhen përzier me baltën, këshillon Telegrafi. Nuk duhen nënvlerësuar as barërat që pastrojnë dhe hapin poret, duke ndihmuar lëkurën të nxjerrë jashtë papastërtitë dhe pjesëzat ndotëse; në të njëjtën kohë, barërat që përdoren nga ata që i njohin mirë ndihmojnë në zbutjen e irritimeve.

Për të marrë të mirat maksimale nga avulli, duhet zierë uji dhe hedhur në një enë ku të keni hedhur barërat tuaja të bukurisë që mund t’i keni blerë në barnatore. Pastaj duhet të mbuloni kokën me një peshqir dhe të mbani fytyrën mbi enë për rreth dhjetë minuta, duke bërë të mundur që ajri të shkojë mbi fytyrë pa shkuar dëm.

Mes barërave pastrues janë hithra dhe kamomili, mes tkurrësve limoni, menta dhe portokallia e egër. Pasi të keni pastruar me themel lëkurën, kushtojini disa minuta qetësi të plotë vetes me një masazh delikat me majë të gishtave, pastaj vendosni krem hidratues në fytyrë dhe gushë, derisa të jetë përthithur tërësisht. /Telegrafi/Profil: Nora Fejza