‘Shatirimi’ dhe ngjyrosja e flokëve në shtëpi

E dimë se dëshira për t’u dukur sa më bukur është e rrezikshme për xhepin, mirëpo ajo që dimë më pak (ose që për të nuk mendojmë) është se dëshira për t’u dukur bukur mund të jetë e rrezikshme edhe për shëndet...

Preparatet për ngjyrosjen e flokëve përmbajnë substanca të forta kimike ndaj të cilave lëkura mund të ekspozohet vetëm për një kohë të shkurtë. Kjo do të thotë se nëse tejkalohet koha e caktuar, mund të vijë deri te skuqja, inflamacioni, luspimi ose infeksioni i lëkurës. Prandaj shfrytëzoni një orë me qëllim që të jeni të përpikta në ngjyrosjen e flokëve.

Mundësitë më të mëdha që të paraqiten simptoma të këtilla janë nëse tashmë jeni duke shfrytëzuar ndonjë preparat, i cili e bën lëkurën më të ndjeshme (P.sh. preparatet të cilat përmbajnë acid retinoli ose glikoli, ose disa përbërës tjerë të cilët përdoren për piling kimik të lëkurës.

Lëkura e dikujt është më e ndjeshme në substancat kimike për ngjyrosjen e flokëve. Prandaj, për arsye parandaluese, njëherë përdoreni produktin në një sipërfaqe më të vogël të lëkurës.

Nëse bëhet fjalë për irritim më të lehtë ose skuqje të lëkurës të shkaktuar nga ngjyra për flokë- asgjë për t’u shqetësuar: lyeni atë pjesë me krem hidrokortizoni 1%. Mirëpo, dhimbja, plagët e vogla në lëkurë ose flluskat, janë shenja të cilat tregojnë se duhet të shkoni te dermatologu. /Telegrafi/