Problemet e tinejxherëve nuk janë të parëndësishme dhe nuk duhet t’i merrni si të mirëqena. Kurrë nuk mund të jeni të sigurt se çfarë mendon saktësisht fëmija juaj tinejxher, në veçanti kur bëhet fjalë për tema të ndjeshme si stresi, shkolla dhe seksi. Ne do të përpiqemi t’ju ndihmojmë me disa këshilla.
Nuk është çudi që në shumicën e rasteve nuk e dini se çfarë mendojnë fëmijët tuaj në pubertet, sepse në shumicën e rasteve kur ju u drejtoheni ose mbyllen në dhomë ose i rrotullojnë sytë.
Është kryer hulumtimi ku pedagogët kanë pyetur tinejxherët çfarë do të dëshironin që të mund të ndanin me prindërit e tyre. Ja edhe lista e përgjigjeve më të shpeshta, se cilat janë këto probleme të adoleshentëve që fëmijët nuk dëshirojnë t’i ndajnë me prindër.
Në vendin e parë është gjetur përgjigjja “kam nevojë për privatësi”. Hulumtimet kanë treguar që privatësia është e para në listën e problemeve të adoleshenteve, por fëmijët kryesisht heshtin për këtë për shkak të reaksionit të mundshëm të prindërve, transmeton Telegrafi.
Nëse keni mundësi, sigurojini fëmijës suaj një kënd vetëm për të, veçanërisht në ditët e ndjeshme të pubertetit. Përpiquni t’i besoni, jo të hyni në hapësirën e tyre pa arsye konkrete dhe mos harroni trokitjen.
Ajo çka nuk do t’ju thotë kurrë tinejxheri është që vetëm dëshiron që ju ta dëgjoni, pa bezdisje, ndërhyrje dhe ankime. Kjo është një nga arsyet kryesore pse shumica e fëmijëve nuk flet për gjërat e ndjeshme me prindërit e vet, ndërsa do të donin të kishin mundësi. Nëse fëmijët ju ankohen për profesorët ose shokët e shkollës provoni së bashku me ta të gjeni zgjidhje për problemin, mos i fajësoni menjëherë.
Problemet e tinejxherëve me temat e ndërlikuara
Kur janë në pyetje dashuritë e adoleshentëve shumica e prindërve janë shumë të rreptë për këtë çështje dhe prandaj tinejxherët në shumicën e rasteve dalin dhe shoqërohen me moshatarët derisa prindërit nuk kanë janë në dijeni për këtë. Përpiquni të relaksoheni kur janë në pyetje daljet me vajza/djem. Sidoqoftë më së miri është të jeni të informuar se sa të jetoni pa ditur gjë.
Në vendin e katërt të kësaj liste gjenden notat e këqija, të cilat fëmijët i fshehin nga prindërit. Arsyeja është po ashtu reagimi i ashpër, të cilin mund ta nxisë vetëm një notë e keqe. Mos bëni tollovi për shkak të një dyshi, le t’ju tregojë fëmija juaj se ku qëndron problemi, mos e ka vështirë ta përballojë lëndën… Thojani që nuk është fundi i botës, por që prisni nga ai që të përpiqet më shumë.
Në vendin e pestë gjithsesi është tema më e ndërlikuar si për prindërit edhe për tinejxherët – seksi. Hulumtimet kanë treguar që gati gjysma e tinejxherëve nuk dëshirojnë t’u tregojnë prindërve për përvojën e parë seksuale, çka është mjaft shqetësuese.
Nxiteni tinejxherin tuaj të flasë me ju për gjithçka që i intereson, mos e bëni mizën buall, kujtojeni veten në ato vite. Më mirë është që tinejxheri juaj të mësojë gjithçka nga ju për mbrojtjen dhe sëmundjet e transmetuara seksualisht sesa përmes internetit. /Telegrafi/
Promo
Reklamo këtuLufta Prigozhin - Putin
Më shumëA e dini pse dritat në aeroplan zbehen? Nuk është ajo që keni menduar
Pse duhet të mbajmë folien plastike në frigorifer?
Femrat në këto vende janë krenare për të pasmet e tyre!
Pse duhet të vendosni një filxhan tek dera sa herë që jeni vetëm në banesë? Ja arsyeja
E tradhtoni partnerin në ëndrrat tuaja seksuale? Neurokirurgu zbulon se çfarë do të thotë - dhe nëse duhet të shqetësoheni
Përse meshkujt vrapojnë pas prapanicës së femrës?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'