Inflamacionet e gjuhës mund të jenë, inflamacione sipërfaqësore dhe inflamacione të thella. Në të dy format e inflamacioneve, shkaktarët janë të njëjtë, mirëpo këtu dallon vetëm drejtimi i inflamacionit në thellësi të shtresave të gjuhës.
Dr. Tefta Mjekiqi – Bislimi
Stomatologe
Tel. 044-153-454
e-mail: teftamjekiqi@gmail.com
Shkaktarët që favorizojnë inflamacionin e gjuhës (glossitis)
■ Inflamacionet e gjuhës mund të shkaktohen si pasojë e infeksioneve bakteriale dhe virusale – posaçërisht virusi Herpes simplex.
■ Infeksionet fungale mikotike si Candida albicans.
■ Traumat e ndryshme, e posaçërisht skajet e dhëmbëve kur janë shumë të mprehta apo kufijtë e protezave, jo të punuara korrekt.
■ Shkaqet kimike siç janë: ushqimet pikante, alkooli, nikotina.
■ Djegia e gjuhës me ushqime të nxehta.
■ Sëmundjet sistemike të organizmit, si diabeti, sindromi Sjorgen.
■ Shkaktarët alergjen nga ushqimet apo materialet dentare.
■ Ndonjë efekt anësor i barërave që përdor pacienti për ndonjë arsye.
■ Mungesa e vitaminave qenësore jetike si, Vitamina A, C, Hekuri, Magnezi.
■ Anemitë si pasojë e mungesës së hekurit dhe anemia në mungesë të vitaminës B12.
Sëmundja karakterizohet me një simptomatologji të rëndë, si:
Djegie e gjuhës, dhembje e gjuhës (sidomos skajet), ngjyra e gjuhës është e kuqe e zbehtë e ndritshme, humbje apo dobësi e shqisës së shijes, era e rëndë nga goja, vështirësi në të folur, e në raste të rënda karakterizohet me edeme (ënjtje) e gjuhës e cila fillon të shkaktojë edhe probleme me frymëmarrjen.
Diagnostikimin e kësaj gjendjeje e bën stomatologu juaj i cili përcakton trajtime të mëtutjeshme në bashkëpunim me specialistin e sëmundjeve të gojës. Diagnoza zakonisht përcaktohet në bazë të inspeksionit në zgavrën e gojës, anamnezës ku pacienti përshkruan shkaktarët dhe mënyrën e shfaqjes së inflamacionit.
Mjekimi i inflamacionit të gjuhës (glossitis) bëhet së pari duke mënjanuar shkaktarin.
Rëndësi të veçantë ka mbajtja e higjienës orale, ku edhe pse është mjaft e vështirë të mbahet si pasojë e dhimbjeve, ajo nuk duhet shmangur assesi, sepse është faktori kryesor në shërimin e inflamacionit. Pastrimi i dhëmbëve bëhet me brushë, kurse gjuha pastrohet me goma dhe brusha speciale për pastrim të gjuhës të përcaktuara nga dentisti juaj.
Tek infeksionet bakteriale udhëzohet përdorimi i antibiotikut të përcaktuar në bazë të antibiogramit pasi është marrë një strisho orale.
Te infeksionet mikotike përcaktohet përdorimi i antimikotikëve e poashtu edhe trajtimi shtëpiak, i cili mjaft mirë ndikon në qetësimin e gjendjes akute mikotike – soda bikarbon, e tretur në ujë dhe shpëlarja e gojës.
Te mungesa e vitaminave bazë dhe hekurit, udhëzohet plotësimi me anë të përdorimit të tyre dhe plotësimi i nevojave të organizmit.
Duhet të mënjanohen ushqimet me mëlmesa, alkooli e nikotina, deri në shërimin e inflamacionit.
Përdorimi i antiseptikëve është i preferuar, por në masë të caktuar nga dentisti juaj. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Hani çfarë të doni, nuk do të shtoni peshë: Ekziston vetëm një kusht i thjeshtë!
Ilaçi natyral që kuron dhimbjet e nyjave dhe shpinën, pastron gjakun nga helmet!
Nëse pini birrë nga shishja apo kënaçja, bëni gabim të madh – ja përse gjithmonë dhe duhet patjetër të pini nga gota
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Leo Messi befasoi me zgjedhjen e tij kur përmendi lojtarin më të mirë që ka parë ndonjëherë
Merr fund historia e biznesit me shezlongët? Ndreu jep lajmin e mirë
Pas transferimeve të raketave balistike nga Irani në Rusi, SHBA-ja vjen me një paralajmërim
Kosova rrezikon të mbetet jashtë Procesit të Berlinit, shkak masa e sigurisë me Serbinë
Notat e lojtarëve, Ukrainë 1-2 Shqipëri: Ismajli dhe Manaj me paraqitje fantastike
Shqipëria me përmbysje spektakolare ndaj Ukrainës merr tri pikët e para në Ligën e Kombeve